सॅमसंग कंपनीचा एक नविन मोबाईल आज भारतात लाँच होणार आहे. गॅलेक्सी A51 असं या मोबाईलचे नाव आहे. दक्षिण कोरियातील मोबाईल उत्पादक कंपनीने सोमवारी याबद्दलची माहीती त्यांच्या सोशल मीडियावरील पोस्टद्वारे दिली. भारत हा दुसरा देश आहे जिथे हा मोबाईल लाँच होणार आहे. या मोबाईलची सर्वांनाच उत्सुकता लागली आहे. यापूर्वी गॅलेक्सी A51 आणि गॅलेक्सी ७१ ला कंपनीने व्हिएतनाममध्ये लाँच केले होते. दोन्ही स्मार्टफोनमध्ये इनफिनिटी ओ डिस्प्ले म्हणजेच होल पंच डिस्प्ले आणि क्वॉड कॅमेऱ्याचा सेटअप आहे.
काय आहे सॅमसंग गॅलेक्सी A51 ची किंमत
सॅमसंग गॅलेक्सी A 51 आज भारतात लाँच होणार असून त्याच्या किंमतीच्या चर्चा सर्वत्र रंगत आहेत. मिळालेल्या माहितीनुसार या मोबाईलची किंमत २२,९९० रूपये एवढी असू शकते. परंतु कंपनीने मोबाईलची किमंत अद्याप अधिकृतपणे जाहीर केलेली नाही. वियतमानमध्ये या मोबाईलची विक्री किंमत ही २४,६०० रूपये इतकी आहे.