जर तुमच्या लॅपटॉप किंवा कॉम्प्युटरमध्ये विंडोज ७ ही ऑपरेटिंग सिस्टम असेल तर ही बातमी तुमच्यासाठी महत्वाची आहे. येत्या काही महिन्यात विडोंज ७ वाले कॉम्प्युटर आणि लॅपटॉप बंद होणार आहेत. त्यामुळे जर तुम्ही ही ऑपरेटिंग सिस्टम वापरत असाल तर ती बदलण्याची वेळ आली आहे. प्रसिद्ध कंपनी मायक्रोसॉफ्टने विंडोज ७ चा सपोर्ट बंद करण्याची घोषणा केली आहे. विंडोज ७ ला मिळणारा सपोर्ट बंद करणार असल्याचे मायक्रोसॉफ्टच्या अधिकाऱ्यांनी सांगितले आहे. या निर्णयामुळे येत्या काळात विंडोज ७ ऑपरेटिंग सिस्टिम कालबाह्य होणार आहे. पुढील वर्षी १४ जानेवारी २०२० पासून विंडोज ७ बंद करण्यात येणार असल्याचे कंपनीने म्हटलं आहे.
Important Reminder — #Windows7 only has 1-year of “supported” life lefthttps://t.co/VkMk8IumOW#Microsoft will end users-beloved operating system’s extended support on January 14, 2020. pic.twitter.com/ZxS5BcPuFH
— The Hacker News (@TheHackersNews) January 15, 2019
काय होणार नेमेके बंद
विंडोज ७ हे कालबाह्य होणार आहे. याचाच अर्थ कंपनीने दिलेल्या वेळेनंतर कोणीही विंडोज ७ ला अपडेट करु शकणार नाही. यामध्ये सिक्युरिटी फिक्स आणि पॅचेस यांचाही समावेश असणार आहे. या दोन्ही गोष्टींमुळे कॉम्प्युटरमधील ओएस सुरक्षित राहाते. मायक्रोसॉफ्टने गेल्यावर्षी जून महिन्यात विंडोज ७ चा फोरम सपोर्ट बंद केला होता. ७ जुलै २००९ रोजी मायक्रोसॉफ्टने विंडोज ७ युजर्स साठी सुरु केले होते. मात्र कालांतराने नवीन ओएस आल्यानंतर आता हे व्हर्जन जुने झाले आहे. त्याचे संवर्धन करण्याऐवजी ते बंद करण्याचा पर्याय कंपनीने स्विकारला आहे.
