ट्रू वायरलेस इअरबड्सची मागणी बाजारात सातत्याने वाढताना दिसत आहे. त्यामुळे ही बाब लक्षात घेता स्मार्टफोन कंपनी इअरबड्वर लक्ष केंद्रित करत आहेत. आता Realme, OPPO आणि OnePlus नंतर Xiaomi चा सब-ब्रँड Redmi ने अलीकडेत भारतातात पहिला ट्रू वायरलेस इअरबड्स Redmi Earbuds S लाँच केला आहे. गेल्या वर्षी चीनमध्ये लाँच झालेल्या Redmi AirBuds S चा रिब्रँडेड आवृत्ती आहे. कंपनीने Redmi Earbuds S भारतात परवडणाऱ्या किंमतीसह लाँच केला आहे. आज दुपारी १२ वाजल्यापासून विक्रीसाठी उपलब्ध केला आहे.
Redmi Earbuds S ची किंमत १ हजार ७९९ रुपये आहे. ई-कॉमर्स प्लॅटफॉर्म Amazon.in तसेच कंपनीच्या ई-स्टोअर वरून हे इअरबड्स तुम्ही विकत घेऊ शकता.
Redmi Earbuds S चे फिचर्स
Redmi Earbuds S या डिव्हाइसमध्ये SBC codec चा वापर केला आहे. तसेच यामध्ये low-latency गेमिंग मोड फीचरचा सपोर्ट आहे. हे ब्लूटूथ 5.0 कनेक्टिव्हिटीसह आहे. कंपनीचा असा दावा आहे की, यामध्ये वापरलेली बॅटरी एका चार्जवर १२ तासांचा बॅकअप प्रदान करू शकते.
Redmi Earbuds S ची भारतातील बाजारात अगोदर पासून असलेल्या Realme Buds Air Neo वायरलेस इअरबड्सशी टक्कर होणार आहे. Realme Buds Air Neo हे नुकतेच भारतात लाँच करण्यात आले आहे. त्याची किंमत २ हजार ९९९ रुपये आहे. यामध्ये ऑडियो बूस्टसाठी 13mm डायनॅमिक बास बूस्ट ड्राइव्हर दिले आहे. तसेच कनेक्टिव्हिटीसाठी ऑटो कनेक्शन मोडची सुविधा दिली आहे.
हेही वाचा – ‘Realme Buds Air Neo’ भारतात झाले लाँच, जाणून घ्या फिचर्स
