बॉलिवूडमधील ज्येष्ठ गीतकार आणि एकेकाळी संसदेत आपल्या वक्तृत्वाने कलाक्षेत्रातील विषयांना वाचा फोडणारे माजी खासदार जावेद अख्तर यांनी संसदेत खासदारांकडून सादर होत असलेल्या कवितांवर नाराजी व्यक्त केली आहे. लोकसभा आणि राज्यसभेच्या सभागृहात खासदार आपल्या भाषणाला खुमासदार करण्यासाठी कविता सादर करतात. पण ते करत असताना कवितेची मोड तोड करण्यात येते. ‘कविता’ या प्रकाराची वाट लावणाऱ्या अशा खासदारांना जावेद अख्तर यांनी हात जोडून विनंती करत असे न करण्याचे आवाहन ट्विटरवर केले आहे. अख्तर यांचा रोख हा रामदास आठवले यांनी शुक्रवारी सादर केलेल्या कविताकडे होता असे दिसते. कारण आठवले यांनी शुक्रवारी अविश्वास प्रस्तावावेळी कविता सादर केली होती. अख्तर यांच्या ट्विटमध्ये कोणत्याही खासदाराचे नाव लिहिले नसले तरी त्यांचा रोख हा आठवले यांच्याकडे असल्याचे ट्विटखाली आलेल्या रिप्लायवरुन कळून येते.
With folded hands and utmost humility I want to request the MPS of all the parties in the lok sabha to at least have some mercy on poetry . With out any exception Each and every couplet recited during the 12 hour session was either wrongly worded, out of meter or mispronounced
— Javed Akhtar (@Javedakhtarjadu) July 24, 2018
मागच्या आठवड्यात लोकसभेत तेलगू देसम पार्टीच्यावतीने मोदी सरकारविरोधात अविश्वास प्रस्ताव दाखल केला होता. या प्रस्तावावर सुमारे १२ तास चर्चा झाली होती. या चर्चेदरम्यान राहुल गांधी आणि पंतप्रधान नरेंद्र मोदी यांचीच भाषणे लोकांच्या लक्षात राहिली असली तरी त्याच्या खालोखाल रामदार आठवले यांचेही भाषण चांगलेच गाजले होते. आठवले यांनी काहिशी अडखळत, माहिती घेत घेत सादर केलेल्या कवितेवर पंतप्रधान मोदी देखील आपले हसू आवरू शकले नव्हते. राहुल गांधीसहीत सर्वच खासदारांनी आठवलेंची कविता एन्जॉय केली होती. मात्र आठवले सादर करत असलेली कविता ही त्यांच्या शैलीत असते. त्याला अभिजात कवितेचे कोणतेही नियम आड येत नसतात. संसदेत असे अनेक खासदार कवितेच्या बाजाची मोड-तोड करुन सादरीकरण करतात, त्यावर अख्तर यांनी खंत व्यक्त केली आहे.
& the award goes to Ramdas Athavale?????
— Shiwang Kumar Singh (@KumarShiwang) July 24, 2018
जावेद अख्तर यांच्या ट्विटवर काही नेटिझन्सनी आठवले यांच्या नावाने मजेशीर कमेंट केल्या आहेत.
The best poet in the country now pic.twitter.com/vOmfhJWYcG
— blinkorshrink (@Blinkorshrink) July 24, 2018
Sir I think you are referring to Ramdas Athawale poetry #Poetryखतरेमेंहै ???
— विक्रमादित्य सिंह (@nawab_lucknow) July 24, 2018
मात्र काही नेटिझन्सनी आठवले यांची बाजू उचलून धरली आहे. “आठवले वीस वर्षांपासून कविता करत आहेत, त्यांची ती स्टाईलच आहे, ते कुणाला कॉपी करत नाहीत”, अशी प्रतिक्रिया एकाने दिली आहे. तर महेश सातपुते नामक युजरने आठवले हे पैसे न घेता कविता करतात, त्यांच्या कवितामुळे वातावरण हलकं होतं, त्यांच्या भावी वाटचालीस शुभेच्छा दिल्या आहेत.
@RamdasAthawale सर तुम्ही जबरदस्त कविता करता, बाकी पैसे घेऊन कविता/गाणी करणारे झक मारतात तुमच्यापुढे ?✌️
तुमच्या कवितांमुळे गंभीर वातावरण पण हलकं होतं, पैशांमधे कविता मोजणारे नकली विचारवंत तुमच्या कलेचा अर्थ समजु शकत नाहीत. #अतिशय_उत्तम भावी वाटचालीस शुभेच्छा ?— Mahesh Satpute (@MaheshSatpute07) July 24, 2018
मात्र जावेद अख्तर यांच्या या ट्विटला संदिप पारेख यांनी ट्रोल केले आहे. अख्तर यांच्या ट्विटमधील इंग्रजी भाषेत अनेक व्याकरणाच्या चुका असल्याचे पारेख यांनी दाखवून दिले आहे. “सर जो न्याय तुम्ही कवितासाठी मागत आहात, तोच न्याय इंग्रजी भाषेलासुद्धा हवा आहे”, अशी खोचक टीका संदिप पारेख यांनी केली आहे.
Sir, English too deserves the same mercy. pic.twitter.com/ILTDHGISTb
— Sandeep Parekh (@SandeepParekh) July 24, 2018