क्रिकेट फॅनला देश सोडण्याचा सल्ला दिल्यावरून उदभवलेल्या वादामुळे आता विराटवर सोशल मीडियाच्या माध्यमातून कसून टीका होते आहे. ‘रंग दे बसंती’ फेम अभिनेता सिद्धार्थ नारायण याने विरोध केला आहे. आपल्या अधिकृत ट्विटर अकाऊंटवरून त्याने विराटला उत्तर दिले आहे. अशा प्रकारचे वागणे भारतीय क्रिकेट संघाच्या कर्णधाराला शोभत नसल्याचे त्याने सांगितले.
काय म्हणाला सिद्धार्थ
सिद्धार्थ ने लिहिले की,”जर तुला किंग कोहली म्हणून आपली ओळख टिकवायची असेल तर भविष्यात वक्तव्य करताना जरा विचार कर. एक भारतीय कर्णधार म्हणून तुझ्याकडून अशा वक्तव्याची अपेक्षा नव्हती.”
If you want to remain #KingKohli it may be time to teach yourself to think ‘What would Dravid say?’ before speaking in future. What an idiotic set of words to come from an #India #captain! https://t.co/jVsoGAESuM
— Siddharth (@Actor_Siddharth) November 8, 2018
काय आहे प्रकरण
क्रिकेट टीम कर्णधार विराट कोहलीने एका कार्यक्रमादरम्यान त्याच्या फॅन्सला भारतातून बाहेर जाण्याचा सल्ला दिला होता. हा व्हिडिओ सोशल मीडियावर टाकल्यानंतर त्याच्यावर टीकांचा पाऊस पाडला. याची दखल घेत बीसीसीआयने त्याला झापले होते.