ज्योतिष शास्त्रात राशींना विशेष स्थान प्राप्त आहे. ज्योतिष शास्त्रात एकूण 12 राशी आहेत ज्या 27 नक्षत्रांमध्ये विभाजित केल्या जातात. जन्म नक्षत्रानुसार प्रत्येक व्यक्तीची एक रास असते. व्यक्तीच्या राशीनुसार त्याचा स्वभाव, गुण तसेच राशीचा ग्रह स्वामी सांगितला जातो. ज्योतिष शास्त्रातील 12 राशींपैकी आज आम्ही तुम्हाला मकर राशीच्या व्यक्तींच्या स्वभावातील गुण-अवगुण सांगणार आहोत.
मकर राशीचा स्वामी ग्रह शनी आहे. त्यामुळे हे व्यक्ती खूप मेहनती, शिस्तप्रिय आणि परोपकारी असतात. पण अनेक वेळा या राशीच्या व्यक्तींना मेहनतीनुसार फळ मिळत नाही. पण तराही न थांबता ते पुढे काम करत राहतात. मकर राशीचे व्यक्ती स्वभावाने महत्त्वाकांक्षी, सहनशील आणि विश्वासार्ह असतात. मकर राशीचे व्यक्ती खूप स्वाभिमानी देखील असतात. त्यांना इतरांसमोर हात पसरणे आवडत नाही.
मकर राशीच्या व्यक्तींचे अवगुण
या राशीचे व्यक्ती अनेकदा सहज कोणासमोर व्यक्त होत नाहीत. ते आपल्या मनातील अनेक गोष्टी कोणाला सांगत नाहीत. या व्यक्तींमध्ये धैर्याची कमतरता असते. हे व्यक्ती सहज कोणावर विश्वास ठेवत नाहीत.
मकर राशीच्या व्यक्तींनी करा या देवाची उपासना
मकर राशीच्या व्यक्तींनी नेहमी भगवान शंकरांची पूजा-आराधना करा.