ज्योतिषशास्त्रानुसार १२ राशींपैकी काही राशी अशाही आहेत ज्या सर्वात भाग्यवान आहेत. या राशीच्या व्यक्तींना प्रत्येक क्षेत्रात हमखास यश मिळते. यांचा कणखर, कष्टाळू आणि प्रामाणिक स्वभाव यांना प्रत्येक क्षेत्रात यश मिळवून देतो.
मेष
ज्योतिषशास्त्रानुसार इतर राशींच्या तुलनेत मेष रास ही सर्वात भाग्यवान रास आहे. मेष राशीचा स्वामी मंगळ असून ज्योतिषशास्त्रानुसार मंगळ हा सर्व ग्रहांचा सेनापती आहे. यामुळेच मेष राशीवाल्यांमध्ये उत्तम नेतृत्व क्षमता असते. आकर्षक,साहसी आणि निडर असे यांचे व्यक्तीमत्व असते. या व्यक्ती कष्टाळू असतात. यामुळेच कुठल्याही क्षेत्रात त्या समरसून काम करतात आणि यश मिळवतात. प्रामाणिक असल्याने त्यांना खोटेपणा सहन होत नाही. यांनी घेतलेले निर्णय अचूक असतात. यामुळे सल्लागार म्हणून अनेकजण यांचा सल्ला घेतात.
धनु
ज्योतिषशास्त्रानुसार धनु राशीचा स्वामी गुरु आहे. या राशीच्या व्यक्ती कष्टाळू असतात. आपल्या कष्टावरच हवं ते मिळवण्याची ताकद यांच्यात असते. नशीब यांची नेहमीच साथ देत यामुळे कुठल्याही क्षेत्रात यश मिळवण धनु राशीला कठीण नाही.आर्थिक बाबतीतही धनु रास भाग्यशाली असल्याने पैशांची कमतरता यांना नसते.
वृश्चिक
वृश्चिक राशीचा स्वामी मंगळ आहे. या राशीच्या व्यक्ती साहसी आणि प्रामाणिक असतात. यामुळे कुठल्याही कामात ते अग्रेसर असतात. या राशीच्या व्यक्ती विचारपूर्वक पाऊल उचलतात. मित्रांचा गोतावळा मोठा असल्याने कुटुंबापेक्षा मित्रांमध्ये अधिक रमतात.
मकर
मकर राशीचा स्वामी शनि आहे. शनिला ग्रहांचा न्यायाधीश असे म्हटले जाते. यामुळे मकर राशीच्या व्यक्ती न्यायप्रिय असतात. आत्मविश्वासाने परिपूर्ण असतात. नेतृत्व करण्याची क्षमता यांच्यात असते. आत्मविश्वासाच्या बळावर अशक्यही शक्य करण्याची ताकद यांच्यात असते.
सिंह
सिंह रास ही भाग्यवान रास आहे. या राशीच्या व्यक्ती आपली वेगळी ओळख बनवण्यासाठी ओळखल्या जातात. कष्टकरी रास असल्याने कष्टातून पैसा कमावण्याकडे यांचा कल असतो. कठीणातील कठीण प्रश्नांची उत्तरे शोधण्यात या व्यक्ती माहीर असतात.
