राशीचक्रातल्या १२ राशीच्या व्यक्तींचे स्वभावही वेगवेगळे असतात. काहीजण शांत आणि अबोल राहणं पसंत करतात. तर काहीजण भडाभडा बोलणारे असतात. काहीजणांचा स्वभाव सरळ साधा असतो. तर काहीजण चाणाक्ष, चतुर असतात. काहीजण मनमोकळ्या स्वभावाचे असतात तर काहीजण मनात ठेवणारे असतात. त्यांच्या याच स्वभावाचा परिणाम त्यांच्या करियरवरही होताना दिसतो. अशाच काही राशींबद्दल जाणून घेऊया.
मेष
मेष राशीच्या व्यक्ती या स्वभावाने हट्टी असतात. एकदा यांनी मनाशी एखादी गोष्ट करण्याचे ठरवले तर ते ती करुनच शांत होतात. यामुळे करियरमध्येही या व्यक्तींना य़श मिळते. मेष रास स्वभावाने आक्रमक पण तेवढीच संवेदनशील आणि काळजीवाहू असते. महत्वकांक्षी स्वभावाबरोबरच त्यांच्यात उत्तम नेतृत्वगुण असते. यामुळे या व्यक्ती राजकारणात, मीडिया, समाजसेवेत नाव कमावतात.
वृषभ
वृषभ ही कष्टाळू रास आहे. स्वभावाने हट्टी असल्याने मेषेप्रमाणेच हाती घेतलेले काम पूर्ण झाल्याशिवाय शांत बसत नाहीत. लक्ष्य प्राप्तीसाठी हवे तेवढे कष्ट करतात. कमी बोलणारी रास असल्याने निवडक मित्रमंडळात यांना आनंद मिळतो. करियरमध्ये यश प्राप्त करतात. तल्लख बु्द्धी, महत्वकांक्षी आणि आकर्षक व्यक्तीमत्वामुळे लवकरच एखाद्याला प्रभावित करतात.
तूळ
तूळ राशीच्या व्यक्तींमध्ये जीवन जगण्याची वेगळीच नशा असते. लक्ष्य गाठण्यासाठी वाट्टेल तेवढे कष्ट करण्याची यांची तयारी असते. यांना स्पर्धेत भाग घेण्यास आवडते. पण स्वभावाने हट्टी असल्याने अनेकवेळा यांचे नुकसान होते. हाच हट्टी पणा जर कामाच्या ठिकाणी वापरला तर मात्र यशाचा आलेख उंचावू शकेल.
वृश्चिक
वृश्चिक राशीच्या व्यक्ती बु्द्धीने तल्लख आणि कष्टाळू असतात. आयुष्यात येणाऱ्या प्रत्येक आव्हानांचा सामना करण्यास नेहमी तयार असतात. साहसी आणि हट्टी असणारी ही रास परिस्थितीसमोर लवकर हार स्विकारत नाही. महत्वकांक्षी स्वभावामुळे हवं ते मिळवण्याची ताकद यांच्यात असते. बोलघेवडे असल्याने मित्रांचा गोतावळा मोठा असतो.
