कार्तिक महिन्याच्या शुक्ल पक्षातील एकादशी तिथीच्या दिवशी देवउठनी एकादशी साजरी केली जाते. या दिवशी 4 महिन्याच्या योगनिद्रेतून भगवान विष्णू उठतात. त्यामुळे या एकादशीला देवउठनी एकादशी म्हटलं जातं. तसेच या एकादशीच्या दुसऱ्या दिवशी तुळशी विवाह देखील साजरा केला जातो. असं म्हणतात की, या दिवशी तुळशी विवाह केल्यास देवी लक्ष्मीचा आर्शिवाद प्राप्त होतो.
तुळशी विवाह शुभ मुहूर्त
हिंदू पंचांगानुसार, अनेक ठिकाणी तुळशी विवाह 23 नोव्हेंबरला असल्याच सांगण्यात येत असून काही ठिकाणी 24 नोव्हेंबर रोजी तुळशी विवाह असल्याचं म्हटलं जात आहे.
हिंदू पंचांगातील तिथीनुसार, तुळशी विवाहाचा शुभ मुहूर्त 24 नोव्हेंबर 2023 रोजी असणार आहे. तुळशी विवाह एकादशीच्या दुसऱ्या दिवशी म्हणजे द्वादशीला केला जातो. द्वादशी तिथी 23 नोव्हेंबर रोजी रात्री 9:01 पासून सुरू असून दुसर्‍या दिवशी संध्याकाळी 7:06 पर्यंत असेल. तुळशीचा शुभ मुहूर्त संध्याकाळी 5.25 पासून सुरू होत असून हा शुभ मुहूर्त संध्याकाळी 7.06 पर्यंत राहील.
तुळशी विवाहासाठी लागणारे साहित्य
तुळशी विवाहासाठी तुमच्या घरातील तुळस, ऊस, चौरंग किंवा पाट, श्रीकृष्णांचा फोटो किंवा मूर्ती, दोन बाशिंग, अक्षता, दोन फुलांचे हार, हिरवा चुडा, लाल चुनरी, सौभाग्य अलंकार, हळकुंड, आवळा, बोर, पाच फळं, मिठाई, धूप-दीप.
तुळशी विवाह पूजा
तुमच्या घरातील तुळस ज्या ठिकाणी आहे. ती जागा स्वच्छ करा. त्यानंतर तिथे ऊसाचा मंडप तयार करा. एकादशी किंवा द्वादशीच्या दिवशी संध्याकाळी शुभ मुहूर्तावर विवाह सुरु करा. तुळशीभोवती सुंदर रांगोळी काढा. शेजारी पाटावर श्रीकृष्णांची मूर्ती ठेवा. तुळशीची आणि श्रीकृष्णाची पूजा करा. त्यांना सजवा. मंगलअष्टका म्हणून दोघांचा विवाह करा. त्यांच्यावर अक्षता टाका. त्यानंतर त्यांना हळकुंड, आवळा, बोर, पाच फळं, मिठाई अर्पण करा. तुळस आणि कृष्णांच्या मंत्राचा जप करा.
हेही वाचा :
