ठाणे : कळव्यातील मनीषा नगर गेट नंबर- २ जवळ असलेल्या प्रेम कुटीर सोसायटीच्या मीटर बॉक्स रूमला लागलेल्या आगीत तब्बल ६८ मीटर बॉक्स आणि २ लोखंडी कपाट, प्लास्टिक ड्रम व खुर्च्या जळून खाक झाल्या आहेत. ही घटना शुक्रवारी सकाळी 6 वाजण्याच्या सुमारास समोर आली. जवळपास तासाभराने त्या आगीवर नियंत्रण मिळविण्यात अग्निशमन दलाच्या जवानांना यश आले आहे. (A fire broke out in a building meter box in Kalwa Burn 68 meter box)
या आगीत कोणालाही दुखापत झालेली नसून आग शॉर्ट सर्किटमुळे लागली असल्याचा प्राथमिक अंदाज वर्तविण्यात आल्याची माहिती आपत्ती व्यवस्थापन कक्षाने दिली.
मिळालेल्या माहितीनुसार, कळवा, मनीषा नगर गेट नंबर- २ जवळील तळ अधिक ४ मजली प्रेम कुटीर या सोसायटीच्या मीटर बॉक्स रुमला सकाळी ५ वाजून ५५ मिनिटांच्या सुमारास आग लागली. या घटनेची माहिती मिळताच घटनास्थळी कळवा पोलीस, टोरंट पॉवर विद्युत विभागाचे कर्मचारी, आपत्ती व्यवस्थापन कक्षाचे कर्मचारी व अग्निशमन दलाचे जवान यांनी तातडीने धाव घेतली.
यादरम्यान मीटर रूम असलेल्या प्लास्टिक ड्रम व खुर्च्यांमुळे आग पसरली असून त्या आगीत त्या सोसायटीचे सर्वच ६८ मीटर बॉक्स आणि तेथील लोखंडी कपाट,प्लास्टिक ड्रम व खुर्च्या जळून खाक झाल्या आहेत. ही आग जवळपास ६ वाजून ५५ मिनिटांच्या सुमारास पूर्णपणे नियंत्रणात आणण्यात अग्निशमन दलाच्या जवानांना यश आले. या घटनेत कोणतीही जीवितहानी किंवा कोणालाही दुखापत झालेली नाही. असे आपत्ती व्यवस्थापन कक्षाने सांगितले.
पुण्यात गॅसची पाईपलाईन फुटली, 12 वाजता लागलेल्या आगीवर पहाटे नियंत्रणhttps://t.co/yGjv9OgLoO
— My Mahanagar (@mymahanagar) January 13, 2023
हेही वाचा – पुण्यात गॅसची पाईपलाईन फुटली, 12 वाजता लागलेल्या आगीवर पहाटे नियंत्रण
