India Post Recruitment 2023 : पोस्टल विभागात ग्रामीण डाक सेवक भरतीसाठी इच्छुक असलेल्या उमेदवारांसाठी आनंदाची बातमी आहे. देशभरातील विविध टपाल विभागाच्या मंडळांमध्ये ४० हजारांहून अधिक ग्रामीण डाक सेवकांची भरती होणार आहे. ही भरती शाखा पोस्टमास्टर (BPM), सहाय्यक शाखा पोस्टमास्टर (ABPM) आणि डाक सेवक म्हणून केली जाणार आहे. पोस्टल विभाग ग्रामीण डाक सेवक भरती २०२३ साठी प्राप्त माहितीनुसार, सर्व मंडळांसह जास्तीत जास्त ४०,८८९ GDS भरती करावयाची आहे. या रिक्त पदांपैकी सर्वाधिक ७,९८९ जागा उत्तर प्रदेश मंडळासाठी आहेत. तसंच तामिळनाडूसाठी ३,१६७, कर्नाटकसाठी ३,०३६ आणि आंध्र प्रदेश मंडळासाठी २,४८० रिक्त पदांपैकी दुसऱ्या क्रमांकावर आहेत.
India Post Recruitment : पोस्टल विभाग ग्रामीण डाक सेवक भरतीसाठी अर्ज प्रक्रिया
उत्तर प्रदेश डाक सेवक भरतीसाठी अर्ज करण्यास इच्छुक असलेले उमेदवार indiapostgdsonline.gov.in या अधिकृत वेबसाइटवर उपलब्ध करून दिलेल्या ऑनलाइन अर्जाद्वारे अर्ज करू शकतील. अर्ज प्रक्रियेसाठी GDS अर्ज फॉर्म २०२३ आज म्हणजेच शुक्रवार २७ जानेवारी २०२३ रोजी पोस्ट विभागाच्या अधिकृत वेबसाइट, indiapost.gov.in वर सक्रिय केला जाऊ शकतो, विहित पात्रता असलेले अर्ज करू इच्छिणारे उमेदवार १६ फेब्रुवारी २०२३ पर्यंत अर्ज सादर करू शकतील. यानंतर, १७ ते १९ फेब्रुवारी २०२३ दरम्यान उमेदवारांना पोस्ट विभागाद्वारे अर्ज दुरुस्त करण्याची संधी दिली जाईल.
India Post Recruitment: पोस्टल विभाग ग्रामीण डाक सेवक भरतीसाठी पात्रता निकष
पोस्टल विभाग ग्रामीण डाक सेवक भरतीसाठी अर्ज करू इच्छिणाऱ्या उमेदवारांनी मान्यताप्राप्त मंडळातून मॅट्रिक (इयत्ता १० वी) परीक्षा उत्तीर्ण केलेली असावी. तसेच, अर्जाच्या शेवटच्या तारखेनुसार उमेदवारांचे वय १८ वर्षांपेक्षा कमी आणि ४० वर्षांपेक्षा जास्त नसावे. विविध राखीव प्रवर्गातील (SC, ST, OBC, इ.) उमेदवारांना केंद्र सरकारच्या नियमांनुसार उच्च वयोमर्यादेत सूट दिली जाईल.
