उत्तराखंडमध्ये बस दरीत कोसळून झालेल्या भीषण अपघातामध्ये १३ भाविकांचा मृत्यू झाला आहे. तर दोन जण गंभीर जखमी झाले आहेत. उत्तरकाशीतील गंगोत्री महामार्गावर हा अपघात झाला असून २०० मीटर खोल दरीत बस कोसळली. या बसमधून १५ भाविक प्रवास करत होते. भूस्खलनामुळे ही घटना घडली असल्याची माहिती समोर येत आहे.
Uttarakhand: 9 dead after a van fell into a gorge in Uttarkashi. pic.twitter.com/ORrop5wOgE
— ANI (@ANI) September 3, 2018
१३ भाविकांचा मृत्यू
गंगोत्री धामवरुन दर्शन घेऊन हे सर्व भाविक घरी परत असताना ही अपघाताची घटना घडली आहे. ऋषिकेश – गंगोत्री राष्ट्रीय महामार्गावर शंगलाई येथे बसला अपघात झाला. १३ भाविकांचे मृतदेह दरीतून बाहेर काढण्यात आले आहे. गंभीर जखमी झालेल्या दोन भाविकांना उपचारासाठी देहराडूनमधील रुग्णालयात दाखल करण्यात आले आहे.
भूस्खलनामुळे झाला अपघात
महामार्गावर भूस्खलनाची घटना घडल्याने चालकाचे बसवरील नियंत्रण सुटले आणि बस दरीत कोसळली. बस दरीत कोसळून भागीरथी नदीजवळ जाऊन कोसळली. अपघातामधील मृत आणि जखमी उत्तरकाशीमधील रहिवसी आहेत. अपघातामध्ये बसचा चक्काचूरा झाला आहे.
