देशात पहिल्यांदाच २४ तासांत १३ हजारांहून अधिक कोरोनाबाधित रुग्ण आढळले आहेत. गेल्या २४ तासांत देशात सर्वाधिक १३ हजार ५८६ नवे कोरोनाबाधित रुग्ण आढळले असून उपचार दरम्यान ३३६ जणांचा कोरोनामुळे मृत्यू झाला आहे. त्यामुळे देशातील एकूण कोरोनाबाधितांचा आकडा ३ लाख ८० हजार ५३२ वर पोहोचला असून मृतांचा आकडा १२ हजार ५७३ झाला आहे. दिलासा देणारी बाब म्हणजे एकूण कोरोनाबाधित रुग्णांपैकी २ लाख पेक्षा अधिक रुग्ण बरे झाले आहेत. देशाचा रिकव्हरी रेट ५३.८० टक्के इतका झाला आहे, अशी माहिती केंद्रीय आरोग्य मंत्रालयाकडून देण्यात आली आहे.
India reports the highest single-day spike of 13,586 new #COVID19 cases and 336 deaths in last 24 hours. Total number of positive cases now stands at 3,80,532 including 1,63,248 active cases, 2,04,711 cured/discharged/migrated & 12,573 deaths: Ministry of Health & Family Welfare pic.twitter.com/JuwHD8X6OE
— ANI (@ANI) June 19, 2020
केंद्रीय आरोग्य मंत्रालयाकडून दिलेल्या आकडेवारीनुसार, देशात २४ तासांत १० हजार ३८६ रुग्णांना डिस्चार्ज देण्यात आला असून एकूण देशात २ लाख ४ हजार ७११ रुग्ण कोरोनामुक्त झाले आहेत. तसेच सध्या १ लाख ६३ हजार २४८ रुग्णांवर उपचार सुरू आहेत. गेल्या २४ तासांत १ लाख ६५ हजार ४१२ नमुना चाचण्या घेण्यात आल्या आहेत. त्यामुळे ७.७८ टक्के रुग्णांना कोरोनाचा संसर्ग झाल्याचे स्पष्ट झाले आहे. आतापर्यंत ६२ लाख ४९ हजार ६६८ नमुना चाचण्या झाल्या आहेत.
हेही वाचा – जगातील कोरोनाबाधितांची संख्या ८५ लाख पार; आतापर्यंत साडे चार लाखांहून अधिक जणांचे बळी!
