हिमाचल प्रदेशात गुरुवारी दरीत बस कोसळून भीषण अपघात झाला होता. या अपघातामधील मृत्यूच्या संख्येत भर पडली आहे. काल संध्याकाळपर्यंत या अपघातामध्ये ३३ लोकांचा मृत्यू झाला होता. पण आज मृतांचा आकडा ४४ झाला आहे. तसेच ३० लोक जखमी झाले आहेत. या बसमध्ये ७० ते ७५ प्रवाशी असण्याचा अंदाज वर्तवला जात आहे. कुल्लूतील पोलीस निरीक्षक शालिनी अग्निहोत्री यांनी असे सांगितले की, बसच्या क्षमतेपेक्षा अधिक प्रवाशी बसमध्ये होते. ही बस बंजार जिल्हाच्या येथील वळणाजवळ ३०० फूट खोल दरीत कोसळली असल्याचे सांगितले.
ही बस कुल्लूवरुन गादागुशानी येथे जात होती. या बसमध्ये काही विद्यार्थी कॉलेजचे अॅडमिशन घेऊन घरी परतत असल्याची माहिती समोर आली आहे. ही बस दरीत कोसळलताच बसचा चक्काचूर झाला. कालपर्यंच या घटनेत १२ महिला, ६ मुली, ७ लहान मुलांचा आणि १० तरुणांचा बचाव करण्यात यश मिळाले होते.
तसेच राष्ट्रपती रामनाथ कोविंद यांनाही या दुर्घनेटबद्दल टि्वट केले आहे. ‘हिमाचल प्रदेशात कुल्लूत झालेल्या बस दुर्घनेटबद्दल कळल्यावर अतिशय दुःख झाले आहे. मृत्यू झालेल्या कुटुंबीयांचे मी सांत्वन करतो. तसेच जखमी झालेल्या लोकांची प्रकृतीत लवकर सुधारणा व्हावी अशी प्रार्थना करतो.’
कुल्लू, हिमाचल प्रदेश में हुई बस दुर्घटना के बारे में जानकर बहुत दुख हुआ है। शोक संतप्त परिवारों के प्रति मेरी संवेदनाएँ। मैं घायलों के शीघ्र स्वस्थ होने की कामना करता हूँ — राष्ट्रपति कोविन्द
— President of India (@rashtrapatibhvn) June 20, 2019
तसेच नरेंद्र मोदींच्या कार्यालयानेही या दुर्घनेटबाबत टि्वट केले आहे. ‘कुल्लूमधील झालेल्या बस दुर्घनेटमुळे खूप दुःख झाले आहे. या दुर्घटनेत मृत्यू झालेल्या कुटुंबाचे सांत्वन करतो. जखमी झालेल्यांच्या प्रकृतीमध्ये सुधारणा व्हावी यासाठी प्रार्थना करतो. केंद्राकडून हिमाचल प्रदेशातील सरकारला सर्व प्रकारची मदत केली जाईल,’ असे टि्वट केले आहे.
Deeply saddened by the bus accident in Kullu. Condolences to the families of those who lost their lives. I hope the injured recover soon. The Himachal Pradesh Government is providing all possible assistance that is required: PM @narendramodi
— PMO India (@PMOIndia) June 20, 2019
या घटनास्थळी हिमाचल प्रदेशाचे मुख्यमंत्री भेट देणार आहे, असे हिमाचल प्रदेशाचे परिवहन मंत्री गोविंद सिंह ठाकूर यांनी एएनआय वृत्तसंस्थेला सांगितले.
Himachal Pradesh Transport Minister, Govind Singh Thakur on Kullu bus accident: It seems that the bus was overloaded,rescue operations will continue tomorrow as well. Chief Minister will be visiting tomorrow. Magisterial investigation into the incident has been ordered. (20-06) pic.twitter.com/hCXDZM3qaU
— ANI (@ANI) June 20, 2019
या दुर्घटनेबद्दल राष्ट्रपती, पंतप्रधान, काँग्रेसचे अध्यक्ष, उपराष्ट्रपती आणि इतर नेत्यांनी टि्वटच्या माध्यमातून दुःख व्यक्त केले आहे.
