नवी दिल्ली : डिझेल वाहनांच्या विक्रीवर अतिरिक्त 10 टक्के जीएसटी लावण्यात येईल अशा वक्तव्याचे वृत्त प्रसारमाध्यमांनी प्रकाशित केल्यानंतर आता या प्रकणावर खुद्द नितीन गडकरी यांनीच खुलासा केला आहे. डिझेलवर धावणाऱ्या वाहनांवर अतिरीक्त जीएसटी लावण्याचा सरकारचा कुठलाही मानस नसल्याचे त्यांनी स्पष्ट केले आहे.(Additional GST on Diesel vehicles Nitin Gadkari revealed)
यांसदर्भात त्यांनी ट्वीट केले आहे, त्यामध्ये त्यांनी म्हटले आहे की, हे स्पष्ट करणे आवश्यक आहे की असा कोणताही प्रस्ताव सध्या सरकारच्या विचाराधीन नाही. 2070 पर्यंत कार्बन नेट झिरो गाठण्यासाठी आणि डिझेल सारख्या घातक इंधनामुळे होणारे वायू प्रदूषण स्तर कमी करण्यासाठी तसेच ऑटोमोबाइल विक्रीतील झपाट्याने वाढ करण्याच्या आमच्या वचनबद्धतेनुसार, स्वच्छ आणि हिरवे पर्यायी इंधन सक्रियपणे स्वीकारणे अत्यावश्यक आहे. ही इंधने आयात पर्यायी, किफायतशीर, स्वदेशी आणि प्रदूषणमुक्त असावीत असा आहे. त्यांच्या या स्पष्टीकरणानंतर ऑटोमोबाइल क्षेत्रासह वाहनधारकांनी सुटकेचा निश्वास टाकला आहे.
There is an urgent need to clarify media reports suggesting an additional 10% GST on the sale of diesel vehicles. It is essential to clarify that there is no such proposal currently under active consideration by the government. In line with our commitments to achieve Carbon Net…
— Nitin Gadkari (@nitin_gadkari) September 12, 2023
आपल्या स्पष्टवक्तेपणामुळे परिचित असलेले भाजपचे नेते आणि केंद्रीय मंत्री नितीन गडकरी पुन्हा एकदा त्यांच्या एका विधानाने चर्चेत आले आहेत. आता त्यांनी डिझेलवर धावणारी वाहने वापरण्यांना अतिरीक्त दहा टक्के जीएसटी भरावी लागणार अशी योजना आणू असे वक्तव्य केले होते. तसा व्हि़डीओसुद्धा समाज माध्यमांवर व्हायरल करण्यात आला होता.
हेही वाचा : सनातन धर्मावर टीका करणाऱ्यांची जीभ खेचू; केंद्रीय मंत्र्यांनी दिली थेट धमकी
काय होते ते व्हायरल झालेले वक्तव्य?
नितीन गडकरी यांचे व्हायरल झालेले वक्तव्यांमध्ये असे होते की, जर ऑटोमोबाइल कंपन्यांनी स्वतःहून डिझेल इंजिनचा वापर कमी केला नाही, तर डिझेल इंजिनांवर 10 टक्के अतिरिक्त जीएसटीची शिफारस अर्थमंत्री यांना प्रत्यक्ष भेटत आणि पत्र लिहित करणार असल्याची माहिती नितीन गडकरींनी दिल्याचे त्या व्हायर वक्तव्यामध्ये होते. म्हणून संपूर्ण देशात एकच खळबळ उडाली होती. वाहन उत्पादकांची संघटना असलेल्या सोसायटी ऑफ इंडियन ऑटोमोबाईल मॅन्युफॅक्चरर्स (सियाम) च्या 63 व्या वार्षिक परिषदेत बोलतानाचे हे वक्तव्य होते.
हेही वाचा : Afghanistan : पाकिस्तानमध्ये अफगाण शरणार्थींसोबत होतंय गैरवर्तन; 100 जणांना बेकायदेशीररित्या घेतलं ताब्यात
ऑटोमोबाइल क्षेत्रावर झाला परिणाम
नितीन गडकरींचं वृत्त व्हायरल झाल्यानंतर त्याचे पडसाद भारतीय शेअर बाजारावरही पडल्याचे पाहायला मिळाले होते. भारतीय शेअर बाजारतील ऑटोमोबाइल कंपन्यांचे शेअर्स कोसळले होते. महिंद्रा अँड महिंद्रा, टाटा मोटर्स, अशोक लेलॅण्ड, आयशर कंपन्यांच्या शेअर्समध्ये मोठी घसरण झाली होती.
