गुजरातमध्ये 5 डिसेंबरला दुसऱ्या टप्प्यातील मतदान होणार आहे. 3 डिसेंबर म्हणजे शनिवारी निवडणूक प्रचाराचा शेवटचा दिवस आहे. यामुळे भाजप नेते त्यांच्या पक्षाचा जोरदार प्रचार करत आहे. पंतप्रधान मोदीही झंझावती प्रचारात गुंतले आहे. मोदींनी शुक्रवारी कांकरेज आणि पाटणामध्ये जाहीर सभांना संबोधित केले.मोदींनी गुरुवारी 50 किमी लांबीचा रोड शो केला. यावेळी मोदींनी विरोधी पक्ष काँग्रेसवर सडकून टीका केली आहे. निवडणुकीच्या वेळी मोदींचा अपमान करणे आणि मतदानाच्या वेळी ईव्हीएमचा अपमान करणे ही काँग्रेसची खासियत असल्याची टीका मोदींनी केला आहे. पाटणातील सभेला संबोधित करताना मोंदीनी ही टीका केली.
या निवडणुकीत काँग्रेसने पराभव स्वीकारल्याचा हा थेट पुरावा आहे. गुजरातमधील जनतेचा भाजपवर विश्वास आहे. गुजरातला विकसित गुजरात बनवण्यात गुजरातमधील महिला शक्तीची भूमिका खूप महत्त्वाची आहे. गेल्या वर्षात दुष्काळ, हवामानहीन, सुजलाम सुफलामच्या माध्यमातून हिरवीगार धरती निर्माण करण्याचे काम केले आहे.
मोदी पुढे म्हणाले की, लटकवणे आणि दिशाभूल करणे ही काँग्रेसची सवय आहे. ज्यात स्वत:चे स्वार्थ दिसत नाही असे कोणतेही काम ती करत नाही हा काँग्रेसचा स्वभाव आहे. भारतातील गोवंशाचा वारसा हीच आपली मोठी ताकद आहे. आपल्या कांकरेजच्या गायीने प्रतिकूल परिस्थितीतही आपला स्वभाव बदलला आहे.
पंतप्रधान मोदींच्या आज गुजरातमध्ये चार जाहीर सभा होणार आहेत. कांकरेज आणि पाटणनंतर ते सोजित्रा आणि अहमदाबादमध्ये जाहीर सभा घेणार आहेत. याआधी गुरुवारी त्यांनी राज्यात 50 किमी लांबीचा रोड शो केला. कांकरेजमधील जाहीर सभेपूर्वी मोदींनी एका मंदिरात पूजाही केली.
Prime Minister Narendra Modi visited Shri Ogadnath ji temple in Kankrej, Banaskantha district before his public rally today. pic.twitter.com/7BYwUje7QO
— ANI (@ANI) December 2, 2022
गुरुवारी पंतप्रधान मोदींच्या अहमदाबाद रोड शोला 10 लाखांहून अधिक लोकांनी हजेरी लावली. 50 किलोमीटरहून अधिक लांबीचा हा रोड शो 14 विधानसभा जागांमधून पार पडला. रोड शो दरम्यान, महिला, पुरुष, तरुण आणि लहान मुलांनी अहमदाबादच्या रस्त्यांवर गर्दी केली होती, जी संध्याकाळी उशिरापर्यंत सुरू होती.
खेड्यांपेक्षा शहरांमध्ये नोकऱ्यांची वानवा; नोव्हेंबरमध्ये बेरोजगारीचा दर 8 टक्क्यांवर
