मागील काही महिन्यांपासून जगभरातील बड्या कंपन्या हजारोंच्या संख्येने कर्मचारी कपात करत आहेत. कोरोना काळानंतर सर्वच देशांचं अर्थचक्र मंदावल्याने अनेक कंपन्यांना आर्थिक संकटांचा सामना करावा लागत आहे. अशातच आता या आर्थिक संकटाचा फटका अमेरिकेतील मीडियालाही बसला आहे. अमेरिकेतील सीएनएन (CNN)पासून ते वॉशिंग्टन पोस्टपर्यंतचा सर्व मीडिया सध्या कठीण काळाचा सामना करत आहे. (american media cut jobs on a large scale veteran journalists became unemployed)
आर्थिक मंदीच्या भीतीने अनेक आउटलेट या हिवाळ्यात टाळेबंदीची घोषणा करतात. वॉक्स मीडिया, द व्हर्ज वेबसाइट्सचे मालक तसेच न्यूयॉर्क मासिक आणि त्याच्या ऑनलाइन प्लॅटफॉर्मने सात टक्के कर्मचारी कपात करत असल्याची माहिती शुक्रवारी दिली. विशेष म्हणजे CNN, NBC, MSNBC, BuzzFeed आणि इतर मीडिया कंपनी देखील कर्मचारी कपात करणार आहेत.
वॉक्स मीडियाचे सीईओ जिम बँकॉफ यांनी शुक्रवारी कर्मचार्‍यांना मेमो पाठवला. “आमच्या व्यवसाय आणि उद्योगावर परिणाम करणाऱ्या आव्हानात्मक आर्थिक वातावरणामुळे विविध विभागांमधील सुमारे सात टक्के कर्मचार्‍यांना काढून टाकण्याचा कठीण निर्णय घेण्यात आला आहे”, असे या मेमोमध्ये सांगण्यात आले आहे.
वॉक्स मीडियाने सांगितले की, प्रभावित कर्मचार्‍यांना पुढील 15 मिनिटांत निघून जाण्यास सूचित केले जाईल. याचा अर्थ गटाच्या 1900 कर्मचाऱ्यांपैकी सुमारे 130 कर्मचाऱ्यांना कामावरून काढून टाकण्यात आले.
वॉक्स मीडियाच्या मालकीच्या ईटर या फूड वेबसाइटमध्ये नऊ वर्षांहून अधिक काळ काम करणाऱ्या आणि पुरस्कार विजेत्या पत्रकार मेघन मॅकॅरॉनने यांनी शुक्रवारी ट्वीट करत सांगितले की, काढून टाकलेल्या कर्मचाऱ्यांपैकी त्या एक होत्या. “माझा जोडीदार आणि मी पालक होण्यासाठी खूप उत्साहित आहोत. मात्र आता आम्ही ज्या संकटाचा सामना करत आहोत त्याचे खरोखर वर्णन करू शकत नाही”, असे या ट्वीटमध्ये त्यांनी सांगितले.
दरम्यान, प्यू रिसर्च सेंटरच्या 2021 च्या अभ्यासानुसार, 2008 आणि 2020 दरम्यान युनायटेड स्टेट्समधील न्यूजरूम रोजगार 1,14,000 वरून 85,000 पत्रकारांना रोजगारावर पाणी सोडावं लागले आहे. “पत्रकारिता बर्‍याच काळापासून दबावाखाली आहे आणि बर्‍याच कंपन्यांना वाटते की त्यांच्या श्रमिक खर्च कमी करण्याची ही योग्य वेळ आहे,” असे रायटर्स गिल्ड ऑफ अमेरिका, ईस्ट यांनी एएफपीला दिलेल्या निवेदनात म्हटले आहे.
याशिवाय, रायटर्स गिल्ड ऑफ अमेरिका, ईस्ट मध्ये NBC आणि MSNBC मधील पत्रकारांचा समावेश आहे. यूएस मीडियानुसार, इतर दोन आउटलेटनी सांगितले की सुमारे 75 कर्मचार्‍यांना कामावरून कमी करण्यात आले. वॉशिंग्टन पोस्टमध्येही अशीच घोषणा अपेक्षित आहे. येथे सीईओ फ्रेड रायन यांनी गेल्या महिन्यात चेतावणी दिली की येत्या आठवड्यात अनेक कर्मचाऱ्यांना कामावरून काढण्यात येणार आहे. एकूण 2,500 कर्मचाऱ्यांवर कर्मचारी कपातीचे संकट येऊ शकते.
यूएस मीडियाच्या मते, अलिकडच्या काही महिन्यांत CNN ने अंदाजे एकूण 4,000 लोकांपैकी अनेक कर्मचाऱ्यांना काढून टाकले आहे. सीएनएनने एएफपीकडून या आकडेवारीची पुष्टी केलेली नाही. सीएनएन आणि एचबीओ मॅक्स आणि डिस्कव्हरी यांचा समावेश असलेल्या वॉर्नर मीडियामध्ये विलीनीकरणानंतर कंपनीने पुनर्रचना केल्यामुळे कपात झाली. विलीनीकरणामुळे वॉर्नर ब्रदर्स डिस्कव्हरी मेगा-कॉन्ग्लोमेरेटची निर्मिती झाली. विलीनीकरणानंतर, CNN च्या नवीन मूळ कंपनीने नेटवर्कची 100 दशलक्ष डॉलर स्ट्रीमिंग सेवा CNN+ अचानक बंद केली.
हेही वाचा – कोरोना महामारी, अर्थचक्र मंदावल्याने संकट गडद; ‘इतक्या’ कर्मचाऱ्यांच्या नोकरीवर गदा
