नवी दिल्ली : गेल्या काही वर्षापासून हिंदी ही राष्ट्रीय भाषा आहे की नाही? यावरून वाद सुरू आहे. हा वाद आता पुन्हा एकदा चर्चेत आला आहे. नुकताच क्रिकेटमधून निवृत्त झालेला भारतीय संघाचा माजी क्रिकेटपटू आर अश्विन याने एका महाविद्यालयाच्या कार्यक्रमाला हजेरी लावली होती. त्यावेळी त्याने केलेल्या एका विधानामुळे सोशल मीडियावर चांगलीच चर्चा रंगली आहे. ‘हिंदी ही देशाची राष्ट्रीय भाषा नाही,’ असे विधान त्याने केले. विशेष म्हणजे 10 जानेवारी हा विश्व हिंदी दिवस म्हणून देशभर साजरा केला जातो. अशामध्येच अश्विनचा व्हिडीओ सोशल मीडियावर व्हायरल झाल्यानंतर याबाबत अनेक प्रतिक्रिया समोर आल्या. (Ashwin statement Hindi is not national language created chaos on social media)
हेही वाचा : Raj Thackeray : “हिंदी ही राष्ट्रभाषा नव्हेच…”, राज ठाकरेंनी स्पष्टच सांगितले
#Watch | தமிழுக்கு அதிர்ந்த அரங்கம்.. இந்திக்கு SILENT.. “இந்தி தேசிய மொழி இல்ல”.. பதிவு செய்த அஸ்வின்!
சென்னையில் உள்ள தனியார் பொறியியல் கல்லூரியில் நடைபெற்ற பட்டமளிப்பு விழாவில் மாஸ் காட்டிய கிரிக்கெட் வீரர் அஸ்வின்#SunNews | #Chennai | #Ashwin | @ashwinravi99 pic.twitter.com/TeWPzWAExQ
— Sun News (@sunnewstamil) January 9, 2025
चेन्नईममध्ये एका अभियांत्रिकी महाविद्यालयाच्या कार्यक्रमामध्ये विद्यार्थ्यांना संबोधित करताना अश्विन विद्यार्थ्यांना प्रश्न विचारला की कोणाला हिंदीमध्ये प्रश्न विचारण्यात रस आहे का? यावेळी कोणीही हिंदीमध्ये प्रश्न विचारण्यास स्वारस्य दाखवले नाही. यानंतर अश्विन म्हणाला, “मला असे विचारावेसे वाटले. हिंदी ही आपली राष्ट्रभाषा नाही, ती अधिकृत (फक्त कामाची) भाषा आहे.” त्याच्या या विधानाची सोशल मीडियावर चांगलीच चर्चा रंगली.
Dear South Indians especially Tamilians ,
1. Don’t play cricket because it’s Hindi majority players
2. Kindly stop playing IPL for teams that are having owners whose preferred mode of communication is Hindi.
3. Kindly enjoy the CEO posts of tech companies and only hire you owns— The Social Warrior (@zorro_warrior) January 9, 2025
एका युझरने यावर लिहिले आहे की, “प्रिय दक्षिण भारतीय, खासकरून तमिळ भाषिक लोकांनो, तुम्ही क्रिकेट खेळू नका, कारण त्यात बहुसंख्य खेळाडू हे हिंदी भाषिक आहेत. तसेच, जे संघांचे मालक हिंदी भाषेत संवाद साधण्याचा पर्याय पसंत करतात, त्यांच्यासाठी कृपया आयपीएल खेळणे थांबवा. तर, कृपया टेक कंपन्यांच्या सीईओ पदांचा आनंद घ्या आणि फक्त तुमच्या मालकीच्या खेळाडूंनाच कामावर ठेवा.” असे म्हणत त्याने टीका केली आहे.
Why should ashwin talk like this.i don’t like this.let him remain as cricketer. I am his fan.More the languages u learn it’s good.there are translations available for any language immediately in our phone.whats the problem.leave the language issue to people.
— Saraswathi Subramanian (@SaraswathiSub12) January 10, 2025
विशेष म्हणजे भारतीय क्रिकेटपटू आर अश्विनचा चाहता असलेल्या एका युझरनेदेखील त्याच्या या विधानावर नाराजी व्यक्त केली. “अश्विन असा का म्हणाला? मी त्याचा एक चाहता आहे, पण मला हे नाही आवडले. त्याला क्रिकेटपटू म्हणूनच राहू द्या. तुम्ही जेवढ्या भाषा शिकाल, तेवढ्या चांगल्या. आजकाल आमच्या फोनमध्ये कोणत्याही भाषेचे भाषांतर लगेच उपलब्ध होते. मग काय अडचण आहे? भाषेचा प्रश्न हा ज्या त्या लोकांवर सोडावा.” असे म्हणत त्या युझरने आपल्या भावना व्यक्त केल्या आहेत.
