देशात १० लाखांहून अधिक लोकसंख्या असलेल्या शहरात आपले स्थान टिकवण्यास बंगळुरू हे देशातील सर्वोत्कृष्ट शहर बनले आहे. दुसरीकडे, १० लाखपेक्षा कमी लोकसंख्या असलेल्या शहरांमध्ये शिमला पहिल्या स्थानावर आहे. केंद्रीय गृहनिर्माण व शहरी व्यवहार मंत्रालयाने गुरुवारी ईज ऑफ लिव्हिंग इंडेक्स रँकिंग २०२० जाहीर केले. केंद्रीय गृहनिर्माण व नागरी कार्यमंत्री हरदीपसिंग पुरी यांनी हा अहवाल प्रसिद्ध केला. विशेष म्हणजे देशाची राजधानी असलेल्या दिल्लीलाही या दोन विभागात दहावा क्रमांक पटकवणं कठीण झाले असून दिल्ली १३ व्या स्थानावर आहे.
देशभरातील १११ शहरांचा सहभाग
सर्वोत्तम शहरांच्या रँकिंगमध्ये राहण्यासाठी देशभरातील १११ शहरांनी भाग घेतला होता. या १११ शहरांना दोन विभागात विभागण्यात आले. पहिल्या विभागात १० लाखांहून अधिक लोकसंख्या असलेल्या शहरांचा समावेश आहे, तर दुसर्‍या विभागात 1० लाखांहून कमी लोकसंख्या असलेल्या शहरांचा समावेश आहे. शहरांची गुणवत्ता, शहराची विकासात्मक कामे किती झाली आहेत आणि लोकांच्या जीवनावर त्याचा काय परिणाम झाला आहे, या मुद्द्यावर या शहरांचा विचार करण्यात आला.
१० लाखांहून अधिक लोकसंख्या असलेल्या शहरांची यादी
- बंगळुरू- ६६.७०
- पुणे- ६६.२७
- अहमदाबाद- ६४.८७
- चेन्नई- ६२.६१
- सूरत- ६१.७३
- नवी मुंबई- ६१.६०
- कोयम्बटूर- ५९.७२
- वडोदरा-५९.२४
- इंदौर- ५८.५८
- ग्रेटर मुंबई- ५८.२३
१० लाखांहून कमी असलेल्या लोकसंख्या असलेल्या शहरांची यादी
- शिमला- ६०.९०
- भुवनेश्वर- ५९.८५
- सिल्वासा -५८.४३
- काकिनाडा- ५६.८४
- सेलम- ६५.४०
- वेल्लोर- ५६.३८
- गांधीनगर-५६.२५
- गुरूग्राम -५६.००
- दावनगेरे -५५.२५
- तिरुचिरापल्ली- ५५.२४
