Homeदेश-विदेशIndrajit Sinha : पक्षासाठी कर्जात बुडालो, पण आज भीक मागण्याची वेळ; भाजप...

Indrajit Sinha : पक्षासाठी कर्जात बुडालो, पण आज भीक मागण्याची वेळ; भाजप नेत्याची व्यथा सोशल मीडियावर व्हायरल

Subscribe

गेल्या 10 वर्षांत पंतप्रधान नरेंद्र मोदी यांच्या नेतृत्वाखालील सरकराने 25 कोटी लोकांना दारिद्र्य रेषेतून बाहेर काढलं, असा दावा भाजपच्या नेत्यांकडून केला जात आहे. पण एकिकडे जरी भाजप देशातील गरिबी हटवण्याबाबत दावे करत असली तर, दुसरीकडे भाजपचाच नेता स्मशानभूमित भीत मागताना दिसला.

मुंबई : गेल्या 10 वर्षांत पंतप्रधान नरेंद्र मोदी यांच्या नेतृत्वाखालील सरकराने 25 कोटी लोकांना दारिद्र्य रेषेतून बाहेर काढलं, असा दावा भाजपच्या नेत्यांकडून केला जात आहे. पण एकिकडे जरी भाजप देशातील गरिबी हटवण्याबाबत दावे करत असली तर, दुसरीकडे भाजपचाच नेता स्मशानभूमित भीत मागताना दिसला. इंद्रजित सिन्हा असे भीक मागणाऱ्या भाजप नेत्याचं नाव असून, इंद्रजित सिन्हा हे भीक मागतानाचे फोटो सोशल मीडियावर व्हायरल झाले. या फोटोवरून देशाच्या राजकारणात चर्चांना उधाण आलं आहे. (birbhum bjp leader indrajit sinha begging in tarapith video viral)

नेमकं प्रकरण काय?

एक वृत्तसंस्थेने दिलेल्या माहितीनुसार, पश्चिम बंगालच्या राजकारणात एकेकाळी मोठा प्रभाव असलेले इंद्रजित सिन्हा बीरभूम जिल्ह्यातील तारापीठ स्मशानभूमीत भीक मागताना दिसले. ‘बुलेट दा’ म्हणून प्रसिद्ध असलेल्या इंद्रजित सिन्हा यांचा आजारी अवस्थेतील फोटो व्हायरल होताच एकच खळबळ उडाली आहे. विशेष म्हणजे इंद्रजित सिन्हा हे रस्त्यावर भीक मागताना दिसत आहेत. त्यांच्या हातात एक वाटी आहे. ज्यामध्ये ते लोकांना भीक देण्याची विनंती करत आहेत. एक असा काळ होता, जेव्हा आरोग्य विभागात त्याचं मोठं नाव होतं. पण आज उदरनिर्वाहसाठी त्यांना भीक मागावे लागत आहे.

इंद्रजित सिन्हा हे एकेकाळी भाजपमध्ये आरोग्य सेवा कक्षातील संयोजक होते. तत्कालीन प्रदेशाध्यक्ष राहुल सिन्हा यांच्या सल्ल्यानुसार, इंद्रजित यांनी राजकारणात प्रवेश केला होता. तसेच जनतेसाठी अहोरात्र काम केलं. मात्र, दोन वर्षांपासून ते कर्करोगाशी झुंज देत आहेत. सुरूवातीला ट्युमर आढळला, नंतर कर्करोगाने ग्रस्त असल्याचं आढळून आलं. इंद्रजित सिन्हा अविवाहित असून, त्यांच्या पालकांचे आधीच निधन झाले आहे. त्यांनी सुमारे 10 वर्षांपूर्वी काँग्रेसला रामराम ठोकला होता. त्यानंतर त्यांनी भाजपमध्ये प्रवेश केला. पण आजारपणामुळे आता ते पक्षासाठी काम करू शकत नाहीत.

या व्हायरल फोटोनंतर इंद्रजित सिन्हा यांनी एका वृत्तसंस्थेला दिलेल्या माहितीनुसार, “लोकांना मदत करताना स्वत: कर्जात बुडालो आहे. मी पक्षासाठी अहोरात्र काम केलं. कोणत्याही आजारासाठी पक्षातील कार्यकर्ते आणि समर्थकांना रूग्णालयात दाखल करून, त्यांना स्वस्त दरात औषधं उपलब्ध करून दिलं. पार्टीचे कार्यक्रम आयोजित करता करता मी कर्जात बुडालोय. म्हणून आज स्वत: वर उपचार करण्यासाठी माझ्याकडे पैसे नाहीत. मला भीक मागावी लागत आहे”, असं सिन्हा म्हणाले.

दरम्यान, इंद्रजित सिन्हा यांचे व्हायरल झालेले फोटो पाहून भाजप प्रदेशाध्यक्ष आणि केंद्रीय मंत्री सुकांता मुजुमदार यांनी मदतीचा हात पुढे केला आहे. तसेच सोशल मीडियावर त्यांचा फोटो शेअर केला. ‘इंद्रजित सिन्हा हे भारतीय जनता पक्षातील एक मेहनती आणि ज्येष्ठ कार्यकर्ता आहेत. भाजप अध्यक्ष या नात्यानं मी बीरभूम जिल्हा नेतृत्वाला त्यांच्या पाठीशी उभे राहण्याचे आश्वासन देतो. तसेच भाजप पक्षाचे संपूर्ण कुटुंब नेहमीच त्यांच्यासोबत आहे’, असं सुकांता मुजुमदार यांनी सांगितलं.


हेही वाचा – Munde Vs V. Radha : पीएम मोदींसोबत नीती आयोगात काम केलेल्या व्ही. राधांची बदली करून मुंडेंनी केले होते रान मोकळे