गुजरातमध्ये एक भयानक दुर्घटना घडली आहे. गुजरातच्या मोरबीमध्ये मच्छू नदीवरील पूल कोसळल्याची धक्कादायक घटना घडली आहे. पूल कोसळल्याने 100हून अधिक जण पाण्यात कोसळल्याची भिती वर्तवली जात आहे. घटनास्थळी सुरक्षारक्षक दाखल झाले असून, त्यांनी शर्तीच्या प्रयत्नांनी बचाव कार्याला सुरूवात केली आहे. (cable bridge over Machu river in Morbi Gujarat suddenly collapsed 100 people fall in river)
मिळालेल्या माहितीनुसार, मोरबीतील मच्छू नदीवर असणारा केबल ब्रिज अचानक कोसळला आहे. त्यामुळे मोठी हानी झाली आहे. या दुर्घटनेत जवळपास 500 जणांचा जीव धोक्यात असल्याची प्राथमिक माहिती समोर येत आहे.
Gujarat | A cable bridge collapsed in the Machchhu river, Morbi area today. Several people fear injured. Further details awaited. pic.twitter.com/OZrDTxCWqx
— ANI (@ANI) October 30, 2022
देशभरात सध्या छटपुजेचा उत्साह असून, छटपुजेनिमित्त मोठ्या संख्येने लोक या ब्रिजवर उपस्थित होते. या उत्साहादरम्यान घडलेल्या या घटनेमुळे आनंदावर विरजण पडले आहे. पूल कोसळल्याची माहिती मिळताच पोलीस, बचाव पथक, अग्निशमन दलाचे कर्मचारी घटनास्थळी दाखल झाले आहेत.
या घटनेमुळे गुजरातमध्ये मोठी खळबळ उडाली आहे. पूल कोसळल्यानंतर नेमके किती जण नदीत वाहून गेले याची माहिती अद्याप समजलेली नाही.
या घटनेमुळे मोठी जीवीतहानी झाल्याची भीती वर्तवली जात आहे. नदीत वाहून गेलेल्या नागरिकांना वाचवण्याचे शर्थीने प्रयत्न सुरु आहेत. नदीत अडकलेल्यांना वाचवण्यासाठी रेस्क्यू ऑपरेशन सुरु करण्यात आली आहे.
PM @narendramodi spoke to Gujarat CM @Bhupendrapbjp and other officials regarding the mishap in Morbi. He has sought urgent mobilisation of teams for rescue ops. He has asked that the situation be closely and continuously monitored, and extend all possible help to those affected.
— PMO India (@PMOIndia) October 30, 2022
मोरबी येथील अपघाताबाबत पंतप्रधान नरेंद्र मोदी यांनी गुजरातचे मुख्यमंत्री भूपेंद्र पटेल यांच्याशी चर्चा केली. त्यांनी बचाव कार्यासाठी तात्काळ पथके तयार करण्यास सांगितले आहे. पंतप्रधान मोदी यांनी परिस्थितीवर बारकाईने आणि सतत लक्ष ठेवण्यास आणि बाधित लोकांना शक्य ती सर्व मदत देण्यास सांगितले आहे.
गुजरातचे मुख्यमंत्री भूपेंद्र पटेल यांनी या अपघातावर शोक व्यक्त केला आहे. ते म्हणाले की, मदत आणि बचाव कार्य सुरू आहे. जखमींवर तातडीने उपचार करण्याची व्यवस्था करण्याच्या सूचना देण्यात आल्या आहेत. याबाबत मी जिल्हा प्रशासनाच्या सतत संपर्कात आहे.
हेही वाचा – मुख्यमंत्री आणि उपमुख्यमंत्र्यांसंदर्भात बदनामीकारक पोस्ट करणे पडले महागात; विद्यार्थी अटकेत
