नवी दिल्ली: अमेरिकन स्पेस एजन्सी NASA च्या Lunar Reconnaissance Orbiter (LRO) ने चांद्रयान-3 लँडिंग साइटचे छायाचित्र घेतले आहे. 23 ऑगस्ट रोजी यशस्वी सॉफ्ट लँडिंग केल्यानंतर हे यान सध्या चंद्राच्या दक्षिण ध्रुवाजवळ आहे. 23 ऑगस्ट रोजी, भारताचे चांद्रयान-3 लँडर मॉड्यूल चंद्राच्या दक्षिण ध्रुवावर यशस्वीरित्या उतरले आणि ऐतिहासिक कामगिरी करणारा भारत हा पहिला देश ठरला. (Chandrayaan 3 NASA took a photo of Vikram lander landing place on moon have you seen it )
इस्रोने पाठवलेल्या चांद्रयान-3 ने 23 ऑगस्ट 2023 रोजी चंद्राच्या दक्षिण ध्रुवावर सॉफ्ट लँडिंग केले. तेव्हापासून चंद्राची अनेक छायाचित्रे समोर आली आहेत. त्याच वेळी, आता अमेरिकन स्पेस एजन्सी NASA च्या Lunar Reconnaissance Orbiter (LRO) ने चांद्रयान-3 लँडिंग साइटचे छायाचित्र घेतले आहे.
चांद्रयान-3 चे लँडिंग साइट चंद्राच्या दक्षिण ध्रुवापासून सुमारे 600 किलोमीटर अंतरावर आहे.
NASA ऑर्बिटरला जोडलेल्या कॅमेऱ्याने विक्रम लँडरला स्पर्श केल्यानंतर चार दिवसांनी त्याचा फोटो (42-डिग्री स्लोप अँगल) घेण्यात यश मिळालं आहे. 18 जून 2009 रोजी प्रक्षेपित झालेल्या, NASA ऑर्बिटरने आतापर्यंत भरपूर डेटा गोळा केला आहे. यात चंद्रावरील अनेक महत्त्वपूर्ण गोष्टी माहिती होण्यात योगदान दिले आहे.
23 ऑगस्ट रोजी, भारताचे चांद्रयान-3 लँडर मॉड्यूल चंद्राच्या दक्षिण ध्रुवावर यशस्वीरित्या उतरले आणि ऐतिहासिक कामगिरी करणारा भारत हा पहिला देश बनला. चार वर्षांपूर्वी चांद्रयान-2 च्या क्रॅश लॅंडिंगबद्दलची निराशा संपुष्टात आलेल्या चांद्रयान-3 च्या लँडिंगनंतर लोकांमध्ये आनंदाचे वातावरण होते. अमेरिका, चीन आणि रशियानंतर चंद्राच्या पृष्ठभागावर यशस्वीपणे उतरणारा भारत हा चौथा देश ठरला आहे.
चंद्रावर यशस्वीरित्या उतरल्यानंतर, विक्रम लँडर आणि प्रज्ञान रोव्हरने चंद्राच्या पृष्ठभागावर सल्फर आणि इतर धातू असल्याचं शोधलं होतं. तसंच, तिथलं तापमान रेकॉर्ड करणे आणि त्याच्या सभोवतालच्या हालचाली नोंदवणं यासह विविध कार्ये केली आहेत.
Chandrayaan-3 Mission:
Anaglyph is a simple visualization of the object or terrain in three dimensions from stereo or multi-view images.
The Anaglyph presented here is created using NavCam Stereo Images, which consist of both a left and right image captured onboard the Pragyan… pic.twitter.com/T8ksnvrovA
— ISRO (@isro) September 5, 2023
दरम्यान, विक्रम लँडर आणि प्रज्ञान रोव्हर सध्या”स्लीप मोड” मध्ये आहेत. त्याला आता 22 सप्टेंबर 2023 च्या सुमारास पुन्हा अॅक्टीव्ह करण्याचा प्रयत्न केला जाणार आहे.
समोर आलेल्या माहितीनुसार, भारतीय अंतराळ संशोधन संस्थेने म्हणजेच इस्रोने चंद्राच्या दक्षिण ध्रुवावरून चांद्रयान-3 विक्रम लँडरची 3-आयामी ‘अॅनाग्लिफ’ प्रतिमा जारी केली आहे. अॅनाग्लिफ स्टिरिओ किंवा बहु-दृश्य प्रतिमा तीन आयामांमध्ये ऑब्जेक्ट दाखवते.
.@NASA's LRO spacecraft recently imaged the Chandrayaan-3 lander on the Moon’s surface.
The ISRO (Indian Space Research Organization) Chandrayaan-3 touched down on Aug. 23, 2023, about 600 kilometers from the Moon’s South Pole.
MORE >> https://t.co/phmOblRlGO pic.twitter.com/CyhFrnvTjT
— NASA Marshall (@NASA_Marshall) September 5, 2023
(हेही वाचा: India vs Bharat : भारताने ‘इंडिया’ नाव सोडल्यास पाकिस्तान करणार दावा? ‘या’ ट्वीटमुळे चर्चेला उधाण )
