देशभरात कोरोनाच्या दुसऱ्या लाटेने थैमान घातले आहे. दिवसांला अडीच लाख कोरोनाबाधितांची रुग्णवाढ होत आहे. त्यामुळे लसीकरण मोहीमेवर अधिक भर दिला जात असून अनेक राज्यांमध्ये मोफत लसीकरण केले जात आहे. दरम्यान केंद्राने १ मेपासून लसीकरणाच्या तिसऱ्या टप्प्यात १८ वर्षांपेक्षा जास्त वय असणाऱ्या व्यक्तींना कोरोना लस घेण्यास परवानगी दिली आहे. त्यानंतर अनेक राज्य कोरोनाची लस मोफत देण्याबाबत घोषणा करत आहेत. त्यामुळे आज आपण कोणकोणत्या राज्यात कोरोना लस मोफत दिली जाणार आहे ते पाहणार आहोत.
उत्तर प्रदेश
कोरोनाचा वाढता प्रादुर्भाव लक्षात घेऊन लसीकरणाचा वेग वाढवण्यासाठी उत्तर प्रदेशच्या योगी सरकारने १८ वर्षांपेक्षा जास्त वय असणाऱ्या व्यक्तींना कोरोनाची लस सर्वांना विनामूल्य देण्याचा महत्त्वाचा निर्णय घेतला आहे. मंगळवारी मुख्यमंत्र्यांची मंत्रिमंडळ बैठक व्हिडिओ कॉन्फरन्सिंगद्वारे साधारण तासभर चालली. या बैठकीत कोरोनाच्या वाढत्या संक्रमणाचा मुद्दा प्रमुख असल्याने यासंदर्भात चर्चा करण्यात आली. त्यामुळे बैठकीत १ मे पासून राज्यातील सरकारी रुग्णालयात १८ वर्षांपेक्षा जास्त वयाच्या व्यक्तींना मोफत कोरोना लस देण्यात येईल, असा निर्णय घेण्यात आला. परंतु ज्या व्यक्ती कोरोना लस घेण्यास सक्षम असतील ते या लसीची किंमत देऊ शकतात. त्यांना खासगी रुग्णालयांमध्ये लस घेण्याचे आवाहनही सरकारने केले आहे.
प्यारे प्रदेशवासियों,
आज मंत्रिपरिषद की बैठक में यह निर्णय लिया गया है कि उत्तर प्रदेश में 18 वर्ष से अधिक आयु के सभी प्रदेशवासियों का कोरोना टीकाकरण @UPGovt द्वारा निःशुल्क कराया जाएगा।
कोरोना हारेगा, भारत जीतेगा…
— Yogi Adityanath (@myogiadityanath) April 20, 2021
आसाम
युपी सरकारने घेतलेल्या महत्त्वाच्या पावलानंतर आसामने देखील त्याचप्रमाणे पाऊल उचलले. मंगळवारी आसाम सरकारने १८ वर्षांपासून ते ४५ वर्षापर्यंतच्या सर्व लोकांना मोफत लस देण्याचा निर्णय घेतला. आसामचे आरोग्य मंत्री हेमंत बिस्वा सरमा यांनी सांगितले की, ‘गेल्या वर्षांत आसाम आरोग्य निधीमध्ये जमा केलेला निधी लस खरेदीसाठी वापरला जाईल. तसेच आज आम्ही भारत बायोटेकच्या १ कोटी डोसची ऑडर्र दिली आहे.’
Assam to give free vaccines to everyone from 18-45 years. Funds collected in Assam Arogya Nidhi last year shall be utilized for the procurement of vaccines. Today, we’ve placed orders for 1 crore doses with Bharat Biotech: Himanta Biswa Sarma, Assam Health Minister pic.twitter.com/i5vnlIU7m0
— ANI (@ANI) April 20, 2021
छत्तीसगढ
आसामनंतर छत्तीसगढमध्ये मोफत लस देण्याबाबत घोषणा केली. छत्तीसगढचे मुख्यमंत्री भुपेश बघेल यांनी घोषणा केली की, ‘राज्यात आता १८ वर्षांवरील सर्वांना मोफत लस दिली जाईल. कोणाकडूनही एकही रुपया घेतला जाणार नाही. याचा पूर्ण खर्च राज्यातले काँग्रेस सरकार उचलेल. आपल्या नागरिकांच्या संरक्षणासाठी शक्य होईल तेवढी पावले उचलण्यास तयार आहे.’
छत्तीसगढ़ में 18 वर्ष से अधिक उम्र के लोगों को कोरोना वैक्सीन का भुगतान राज्य सरकार करेगी।
अपने नागरिकों की जीवन रक्षा के लिए हम हर संभव कदम उठाएंगे।
केंद्र सरकार से अनुरोध है कि वह पर्याप्त संख्या में वैक्सीन की उपलब्धता सुनिश्चित करे।
— Bhupesh Baghel (@bhupeshbaghel) April 21, 2021
मध्य प्रदेश
आता छत्तीसगढ पाठोपाठ मध्य प्रदेशने कोरोना लस मोफत देण्याचा निर्णय घेतला आहे. मध्य प्रदेशचे मुख्यमंत्री शिवराज सिंह चौहान यांनी ट्वीट करत घोषणा केली की, ‘आता राज्यात १८ वर्षांवरील सर्व व्यक्तींना सरकार मोफत लस देईल.’
मध्यप्रदेश में 18 वर्ष से अधिक आयु के सभी प्रदेशवासियों को #CovidVaccine का निःशुल्क टीका लगाया जाएगा: मुख्यमंत्री श्री @ChouhanShivraj #MPFightsCorona pic.twitter.com/PlYHoe2BsW
— CMO Madhya Pradesh (@CMMadhyaPradesh) April 21, 2021
केरळ
केरळ राज्य सरकारने १८ वर्षांवरील सर्व व्यक्तींना कोरोना लस मोफत देण्याबाबत निर्णय घेतला आहे. मुख्यमंत्री पिनाराई विजयन यांनी याबाबतची घोषणा केली आहे.
Kerala government to provide COVID19 vaccine free of cost for all above 18 years of age: CM Pinarayi Vijayan pic.twitter.com/v06pMmMR0p
— ANI (@ANI) April 21, 2021
बिहार
यापूर्वी बिहारमध्ये विधानसभा निवडणुकीच्या दरम्यान नितीश सरकारने राज्यातील सर्व नागरिकांना मोफत लस देण्याचे आश्वासन दिले होते. तेच आश्वासन त्यांनी पूर्ण करत १ मार्चपासून सुरू झालेल्या लसीकरणाच्या दुसऱ्या टप्प्यात सर्व नागरिकांना मोफत लस दिली जाण्याची घोषणा नितीश कुमार यांनी केली होती.
हेही वाचा – Covid-19 Vaccination: लसीकरण मोहिमेत जगात इंडिया भारी; ९५ दिवसात दिले १३ कोटी डोस
