मंगळवारी कोरोना बाधितांच्या दैनंदिन रूग्णामध्ये घट झाल्यानंतर बुधवारी जाहीर करण्यात आलेल्या आकडेवारीत किंचित वाढ झाली आहे. दरम्यान, नव्याने आलेल्या बाधिताच्या तुलनेत अद्याप बरे होणार्‍या लोकांची संख्या जास्त आहे, ज्यामुळे कोरोनाची अॅक्टिव्ह रूग्ण सातत्याने कमी होत आहेत.
केंद्रीय आरोग्य मंत्रालयाने जाहीर केलेल्या आकडेवारीनुसार, देशातील कोरोनाच्या अॅक्टिव्ह रूग्णांची संख्या ही एकूण बाधितांपैकी केवळ ९.६७ टक्के आहे. गेल्या २४ तासांत देशभरात अॅक्टिव्ह रूग्णांमध्ये घट झाली असून, आता देशात कोरोनाची अॅक्टिव्ह रूग्ण संख्या ७ लाख ४० हजार ९० इतकी आहे.
With 54,044 new #COVID19 infections, India's total cases surge to 76,51,108. With 717 new deaths, toll mounts to 1,15,914
Total active cases are 7,40,090 after a decrease of 8448 in last 24 hrs
Total cured/migrated cases are 67,95,103 with 61,775 new discharges in last 24 hrs pic.twitter.com/LzVPOx7XjI
— ANI (@ANI) October 21, 2020
देशात कोरोनाच्या नव्या रूग्णांमध्ये सातत्याने घट होत आहे तर कोरोनामधून बरे होणाऱ्यांची रूग्णांची संख्याही नव्या संक्रमित रूग्णांपेक्षा खूपच जास्त आहे. गेल्या २४ तासांत देशभरात कोरोनाचे ५४ हजारांहून अधिक नवे रुग्ण आढळले आहेत. त्यामुळे आतापर्यंत देशात बाधितांचा आकडा हा ७६ लाख ५२ हजार १०८ वर पोहोचला आहे. तर गेल्या २४ तासात ७१७ जणांचा जीव कोरोनामुळे गेला आहे. त्यामुळे आतापर्यंत एकूण १ लाख १५ हजार ९१४ जणांचे प्राण कोरोनामुळे गेल्याची नोंद करण्यात आली आहे.
तर आतापर्यंत ६७ लाख ९५ हजाराहून अधिकांना कोरोनावर मात केली आहे तर दिवसभरात ६१ हजार ७७५ रुग्णांनी कोरोनावर मात केल्याने त्यांना डिस्चार्ज देण्यात आला आहे.
