चीनमधून सुरु झालेल्या कोरोना महामारीचे भारतासह जगभरात गेली दोन वर्षांपासून थैमान सुरु आहे. अनेक देशांमध्ये अद्यापही कोरोनाचे रुग्ण आढळून येत आहेत. अशात चीनकडून कोरोना व्हायरसबाबत कुरापती सुरुच आहेत. चीन आता पाकिस्तान लष्करासोबत मिळून एक नवा व्हायरस बनवत असल्याचे समोर आले आहे. द क्लॉसन या ऑस्ट्रेलियन पोर्टलच्या अहवालात ही माहिती समोर आली आहे. चीनच्या कम्युनिस्ट पक्षाच्या सुचनेनुसार, ही घातक जैव शस्त्रे पाकिस्तानमध्ये बनवली जात असल्याचे समजतेय.
वुहान इन्स्टिट्यूट ऑफ व्हायरोलॉजी अंतर्गत संरक्षण विज्ञान आणि तंत्रज्ञान संघटना (डेस्टो) आणि पाकिस्तानी लष्कर नवीन स्ट्रेन तयार करण्यात गुंतले आहेत. पाकिस्तानमधील बायो सेफ्टी लेव्हल- 4 लॅबमध्ये हा नवीन व्हायरस तयार केला जातोय. ज्या लॅबमध्ये प्राणघातक स्ट्रेन बनवा जातो. सध्या चीनमध्ये कोरोना व्हायरस पून्हा वेगाने पसरतोय. त्यामुळे चीनमधील बहुतांश ठिकाणी लॉकडाऊन लागू करण्यात आला आहे. अशा परिस्थितीत चीन पुन्हा जगाला नव्या व्हायरसच्या संकटात ढकलण्याच्या स्थितीत आहे.
सिंगापूर युनिव्हर्सिटीचे डॉ. रायन क्लार्क यांनी सांगितले की, जर आंतरराष्ट्रीय समुदायाने चीन आणि पाकिस्तानचा हा जैवशस्त्र कार्यक्रम थांबवला नाही तर कोरोनापेक्षा अधिक पटीने प्राणघातक व्हायरसचा स्ट्रेन तयार होईल जो जगासाठी जीवघेणा ठरेल. त्यामुळे हे थांबले पाहिजे.
चीनमध्ये मार्चपासून कोरोनाच्या ओमिक्रॉन व्हेरियंटची प्रकरणे वेगाने वाढत आहेत, त्यामुळे 45 हून अधिक शहरांमध्ये लॉकडाऊन लागू करण्यात आला आहे. तर नियम मोडणाऱ्यांना दंड आणि तुरुंगवासाची शिक्षा सुनावण्यात आली आहे. शांघायमध्ये गेल्या एक महिन्यापासून लॉकडाऊनमुळे 2.6 कोटी लोकांना आयसोलेट केले आहे. त्याचे अनेक व्हिडीओ आता व्हायरल होत आहेत. हे लोक त्यांच्या अपार्टमेंच्या खिडक्यांमधून मदतीसाठी याचना करत आहेत.
अनेकांच्या घरातील अन्नपदार्थ संपले आहे. चीनचे राष्ट्राध्यक्ष शी जिनपिंग यांनी चीनमध्ये झिरो कोविड पॉलिसी लागू केली आहे. त्यामुळे कोरोना रुग्णांना रुग्णालयात दाखल करण्याबरोबरचं आयसोलेट करण्यात आलेय. त्यामुळे अनेकांच्या घरात अन्न आणि औषधांचा तुटवडा निर्माण झाला आहे.
