देशात आता नव्या कोरोनाबाधितांच्या संख्येत पुन्हा एकदा वाढ होताना दिसत आहे. काल, बुधवारी ८ हजार २०८ने नव्या कोरोनाबाधितांची वाढ होऊन ५० हजार ८४८ रुग्णांची २४ तासांत नोंद झाली आहे. आजही ३ हजार २२१ नव्या कोरोनाबाधितांची वाढ झाली असून देशात २४ तासांत ५४ हजार ०६९ रुग्णांची नोंद झाली आहे. तर २४ तासांत १ हजार २३१ जण मृत्यूमुखी पडले असून ६८ हजार ८८५ रुग्ण बरे होऊन घरी गेले आहेत.
देशातील आता एकूण कोरोनाबाधितांची संख्या ३ कोटी ८२ हजार ७७८वर पोहोचली आहे. यापैकी आतापर्यंत ३ लाख ९१ हजार ९८१ जणांचा मृत्यू झाला असून २ कोटी ९० लाख ६३ हजार ७४० जण कोरोनामुक्त झाले आहेत. तर सध्या देशात ३ लाख ९१ हजार ९८१ जणांवर उपचार सुरू आहेत. आतापर्यंत देशात ३० कोटी १६ लाख २६ हजार २८ जणांची लसीकरण पार पडले आहे.
India reports 54,069 new #COVID19 cases, 68,885 recoveries and 1,321 deaths in the last 24 hours, as per Union Health Ministry
Total cases: 3,00,82,778
Active cases: 6,27,057
Total recoveries: 2,90,63,740
Death toll: 3,91,981Total vaccination: 30,16,26,028 pic.twitter.com/E1e2791qP8
— ANI (@ANI) June 24, 2021
आता रुग्ण बरे होण्याचे प्रमाण वाढले असून ९६.६१ टक्क्यांवर पोहोचला आहे. साप्ताहिक पॉझिटिव्हीटी रेट ५ टक्क्यांच्या खाली आला आहे, सध्या ३.०४ टक्के आणि दैनंदिन पॉझिटिव्हीटी रेट २.९१ टक्के झाला आहे, अशी माहिती केंद्रीय आरोग्य मंत्रालयाने दिली आहे.
आयसीएमआरने दिलेल्या माहितीनुसार, देशात २३ जूनपर्यंत ३९ कोटी ७८ लाख ३२ हजार ६६७ नमुन्यांची चाचणी केली आहे. यापैकी काल, बुधवारी दिवसभरात १८ लाख ५९ हजार ४६९ नमुन्यांच्या चाचण्या झाल्या आहेत.
A total of 39,78,32,667 samples tested up to 23rd June. Of which, 18,59,469 samples were tested yesterday: Indian Council of Medical Research (ICMR)#COVID19 pic.twitter.com/Y6ORlfNbl9
— ANI (@ANI) June 24, 2021
