कोरोनाचे रुग्ण देशात वाढत असल्यामुळे इंस्टीट्यूट ऑफ़ चार्टड अकॉउंट ऑफ इंडियाने सीएची परीक्षा पुढे ढकलण्याचा निर्णय घेण्यात आला आहे. यासंदर्भातील परिपत्रक संकेतस्थळावर अपलोड करण्यात आले आहे. ही परीक्षा मे महिन्यात होणार होती आता ती जून ते जुलैदरम्यान घेण्याचा निर्णय घेण्यात आला आहे.
सीएच्या विविध अभ्यासक्रमची परीक्षा मे महिन्यात होणार होती. मात्र, कोरोनाच्या वाढत्या प्रादुर्भावामुळे या परीक्षेच्या वेळापत्रकात बदल करण्यात आला आहे. फाउंडेशन कोर्सची परीक्षा २७, २९ जून आणि १, ३ जुलैला होणार आहे. तर इंटरमीजिएट कोर्स ग्रुप १ ची परीक्षा २०, २२, २४ आणि २६ जूनला होणार आणि ग्रुप २ ची परीक्षा २८,३० जून तसेच २ जुलैला होणार आहे.
इंटरमीजिएट कोर्स ग्रुप १ (नवीन अभ्यासक्रम) याची परीक्षा २०,२२,२४ आणि २६ जूनला होणार आहे. तर ग्रुप २ ची परीक्षा २८ आणि ३० जून, आणि २, ४ जुलै रोजी होणार आहे. इंटरनॅशनल ट्रेड लॉ एंड वर्ल्ड ट्रेड आर्गेनाईजेशन पार्ट १ ची परीक्षा २०,२२ जूनला होणार आहे. तर ग्रुप बीची परीक्षा २४,२६ जूनला होणार आहे. इंटरनॅशनल लॉ टॅक्ससेशन असेसमेंटची परीक्षा २७,२९ जून रोजी होणार आहे.
जगात थैमान घालणाऱ्या करोनाग्रस्तांची संख्या दिवसेंदिवस वाढत असताना दिसत आहे. तसेच या करोनाचा प्रादुर्भाव अधिक वाढू नये, याकरता केंद्र सरकारने २१ दिवसांचा लॉकडाउन केला आहे. दरम्यान, ANI ने दिलेल्या वृत्तीनुसार भारतातील करोनाग्रस्तांची संख्या ८३४ वर गेली आहे. तर मृतांचा आकडा १९ वर गेला आहे. विशेष म्हणजे गेल्या २४ तासात देशभरात ९५ रुग्ण वाढले असल्याची माहिती केंद्रीय आरोग्य मंत्रालयाने दिली आहे.
149 new #Coronavirus positive cases have been reported in last 24 hours, total positive cases in India now stand at 873. https://t.co/1XkxnoDWTj
— ANI (@ANI) March 28, 2020
- Advertisement -