नवी दिल्ली: मागच्या काही दिवसांपासून शेतकरी त्यांच्या काही मागण्यांसाठी दिल्लीच्या सीमेवर आंदोलन करत आहेत. अन्नदाता आंदोलनाचे शेतकरी नेते जगजितसिंग डड्डेवाल यांनी पंतप्रधान नरेंद्र मोदी यांच्या नेतृत्वाखालील एनडीए सरकारला दोन पर्याय दिले आहेत. पहिला म्हणजे शेतकऱ्यांना दिल्ली चलो मार्च अंतर्गत राष्ट्रीय राजधानी प्रदेशात जाण्याची परवानगी द्यावी आणि दुसरा म्हणजे जर त्यांना तिथे जाण्याची परवानगी नसेल तर केंद्राने किमान आधारभूत किंमत (एमएसपी) यासह त्यांच्या उर्वरित मागण्या मान्य कराव्यात. (Farmer s Protest Farmer leader Daddewal gave two options to the Narendra Modi government)
जगजित सिंग डड्डेवाल यांनी इशारा दिला की, असे होऊ शकते की शेतकऱ्यांचा संयम सुटू शकतो. पंजाब-हरियाणाला लागून असलेल्या शंभू सीमेवर बुधवारी (21 फेब्रुवारी, 2024) सकाळी पत्रकार परिषदेदरम्यान, एमएसपीची कायदेशीर हमी देण्याची मागणी पुन्हा एकदा केली आहे.
शेतकरी नेते पंढेर म्हणाले की, आम्हाला जेव्हा-जेव्हा चर्चेचे निमंत्रण आले तेव्हा आम्ही त्यात सहभागी झालो. हात जोडून आम्ही केंद्र सरकारला आमच्यासोबत बसून आमचे प्रश्न सोडवण्याची विनंती केली. प्रत्येक मागणीवर चर्चा झाली असून, आता निर्णय घेण्याची वेळ आली आहे. ते म्हणाले की, केंद्र सरकारच्या प्रमुखांनी पुढे येऊन आम्ही एमएसपी कायदा करण्यास तयार आहोत, असे सांगितले तर परिस्थिती शांत होऊ शकते.
पंढेर पुढे म्हणाले की, येथील प्रत्येक आईला एक मुलगा असतो. आम्ही आमच्या बाजूने पूर्णपणे शांततापूर्ण राहणार आहोत. परंतु निमलष्करी दलांना शेतकरी आणि मजुरांच्या रक्ताची होळी खेळायची आहे हे आपण पाहिले आहे. हा देश सर्वांचा आहे आणि पंतप्रधान मोदींनी पुढे येऊन आमच्या मागण्या मान्य कराव्यात. 1.5 किंवा 2.5 लाख कोटी रुपये सरकारसाठी फारसे नाहीत. देशातील 80 टक्के लोकसंख्या या पैशावर अवलंबून आहे.
चर्चेतून नक्कीच तोडगा निघेल : कृषिमंत्री
केंद्रीय कृषिमंत्री अर्जुन मुंडा यांना विचारण्यात आले की, शेतकरी सातत्याने प्रस्ताव नाकारत आहेत, मात्र तरीही सरकार चर्चेसाठी तयार आहे. यावर अर्जुन मुंडा म्हणाले, ‘आम्हाला चांगली कामगिरी करायची आहे आणि त्यासाठी आम्हाला अनेक पर्याय देण्यात आले आहेत. आम्ही नेहमी चांगल्या कल्पनांचे स्वागत करतो. पण ते मत फलद्रूप कसे होईल हे शोधण्यासाठी संवाद हा एकमेव मार्ग आहे. चर्चेतून नक्कीच तोडगा निघेल.
(हेही वाचा: Baraskar On Jarange : जरांगेंनी अनेकांची घरं उद्ध्वस्त केली; बारसकर महाराजांचा गंभीर आरोप)
