Wednesday, May 12, 2021
27 C
Mumbai
घर देश-विदेश गुजरातमधील कोविड सेंटरला आग, 18 जणांचा होरपळून मृत्यू

गुजरातमधील कोविड सेंटरला आग, 18 जणांचा होरपळून मृत्यू

Related Story

- Advertisement -

भरुच येथील एका कोविड रुग्णालयाला भीषण आग लागल्याची दुर्घटना घडली. पटेल वेलफेअर रुग्णालयात शुक्रवारी मध्यरात्री घडलेल्या या दुर्घटनेत 18 जणांचा होरपळून मृत्यू झाला. तर अनेकजण गंभीर जखमी झाले. पटेल रुग्णालयातील कोरोनाबाधितांसाठी कोविड सेंटर सुरू करण्यात आले आहे. या कोविड सेंटरमधील आयसीयूमध्ये शॉटसर्किट झाल्याने आग लागली. या दुर्घटनेत आतापर्यंत 18 जणांचा मृत्यू झाला आहे. तर अनेक रुग्ण हे गंभीर जखमी झाले आहेत. त्यामुळे या दुर्घटनेतील मृतांचा आकडा वाढण्याची शक्यता आहे.

प्राथमिक माहितीनुसार, शॉटसर्किटमुळे ही आग लागल्याची माहिती समोर येत आहे. यानंतर अग्निशमन दलाच्या मदतीने या आगीवर नियंत्रण मिळवण्यात आले. तसेच या आगीत जखमी झालेल्यांना तातडीने जवळच्या रुग्णालयात उपचारासाठी दाखल करण्यात आले. ही आग इतकी भीषण होती की, संपूर्ण आयसीयू वॉर्ड यात जळून खाक झाला. त्यामुळे मृतांचा आकडा वाढण्याची शक्यता आहे.

- Advertisement -

दरम्यान, सध्या अग्निशमन दलाचे जवान, पोलीस अधिकारी घटनास्थळी उपस्थित आहेत. मात्र, ही घटना नेमकी कधी घडली, आग कशी लागली, याची अजूनही कोणतीही माहिती समोर आलेली नाही. सद्यस्थितीत या दुर्घटनेत जखमी झालेल्यांना सिविल, सेवाश्रम, जंबूसर अल मेहमूद रुग्णालयांसह इतर खासगी रुग्णालयात उपचारासाठी दाखल करण्यात आले आहे.

- Advertisement -