उत्तर प्रदेशात आणखी एक एन्काऊंटर झाल्याची माहिती समोर येत आहे. कुख्यात गँगस्टर अनिल गुजाना हा या एन्काऊंटरमध्ये ठार झाला आहे. उत्तर प्रदेशच्या स्पेशल टास्क फोर्सने मेरठ येथे ही कारवाई केली. एएनआय या वृत्तसंस्थेने हे वृत्त दिले आहे. ( Gangster Anil Dujana Encounter The encounter of notorious gangster Anil Dujana in UP More than 60 cases were registered )
उत्तर प्रदेश स्पेशल फोर्स टास्कचे अतिरिक्त पोलीस महासंचालक अमिताभ यश यांनी दिलेल्या माहितीनुसार, अनिल दुजानावर 18 खुनांसह 62 हून अधिक गुन्हे दाखल आहेत. तो टोळी तयार करुन खून, दरोडे घालत असे. यूपी एसटीएफने गेल्या 6 वर्षांत दुजानासह 184 एन्काऊंटर केले आहेत.
कोण आहे अनिल दुजाना?
अनिल दुजानाचे मूळ नाव अनिल सिंग असे आहे. तो मुळचा उत्तर प्रदेशातील दुजाना गावातील असल्याने त्याची ओळखही तीच बनली. दोन भाऊ, बहिणीसह त्याच्या कुटुंबात पाचजण आहेत. 5.5 लाख रुपयांची चोरी करुन त्याने 2022 साली एकाची हत्या केली होती. तेव्हापासून तो पोलिसांच्या रडारवर होता. अखेर आज झालेल्या चकमकीत तो मारला गेला.
( हेही वाचा: लोकप्रतिनिधींना बाद करणारी तरतुद रद्द करता येणार नाही; सर्वोच्च न्यायालयाने सुनावले )