आता या कोरोनाच्या काळात लोकांना कोणत्या भाषेत सांगितलं म्हणजे कळेल हेच आता सरकारला कळत नाहीये. मास्क वापरा, सोशल डिस्टन्सिंगच भान राखा, गर्दी करू नका असं आवाहन वारंवार करूनही नागरिक त्याचे बिनधास्त उल्लंघन करताना दिसत आहेत. अशीच एक भयंकर घटना समोर आली आहे. चक्क बोकडांची फाइट पाहण्यासाठी लोकांनी एकच गर्दी केली होती. यावेळी लोकांनी मास्क, सोशल डिस्टन्सिंगचं अजिबात भानच नव्हतं. कर्नाटकमध्ये ही घटना घडली आहे.
Karnataka: Huge crowd gathered to watch a sheep fight in the Muddebihal town of Bijapur district yesterday.
The state has a total of 15242 #COVID19 positive cases including 246 deaths and 7074 active cases, as per the last bulletin of the State Health Department. pic.twitter.com/fB8HO7NdGB
— ANI (@ANI) July 1, 2020
कर्नाटकच्या बिजापूर जिल्ह्यात बोकडांची फाईट सुरू होती. यावेळी तुफान गर्दी झाली. सोशल डिस्टन्सिंग तर नाहीच पण लोकांनी साधं मास्कही यावेळी लावलं नव्हतं. सध्या बाहेर कोरोना आहे याचा विसरच त्यांना पडला होता. कर्नाटकमध्ये सध्या कोरोनाचे १५ हजार २४२ रुग्ण असून २४६ जणांच्या मृत्यूची नोंद झाली आहे. आरोग्य विभागाने दिलेल्या माहितीनुसार, राज्यात सध्या कोरोनाचे ७०७४ अॅक्टिव्ह रुग्ण आहेत.
BEWARE!
By chance, if you or your family members die because of COVID-19, this is how the BJP Govt. in Karnataka throws away your body with many others into a single pit!
This is the 'well-planned COVID management' that the Govt. talks about everyday in the media! pic.twitter.com/jwIfhrcjN1— Janata Dal Secular (@JanataDal_S) June 30, 2020
कर्नाटकातील धक्कादायक प्रकार
कर्नाटकात एकीककडे हा व्हिडिओ व्हायरल होत असताना दुसरीकडे कर्नाटकच्या बेल्लारी गावात कोरोनाबाधित रुग्णांचे मृतदेह खड्ड्यात टाकले जात असल्याचा खळबळजनक व्हिडिओ समोर आला आहे. मृतदेहांची विल्हेवाट लावण्यासाठी त्यांना खड्ड्यात फेकले जात असल्याचे या व्हिडिओमध्ये पाहायला मिळत आहे. जनता दल सेक्युलर पक्षाने हा व्हिडिओ त्यांच्या ट्विटर हँडलवर शेअर केला आहे. मात्र या व्हायरल व्हिडिओमुळे कर्नाटकमध्ये एकच खळबळ माजली आहे. या घटनेवर काँग्रेस आणि जेडीएसने कर्नाटकमधील सत्ताधारी भाजप सरकारवर टीका केली आहे.