देशात काही दिवसांपूर्वी नव्या कोरोनाबाधितांची संख्येत मोठ्या प्रमाणात घट होताना दिसत होती. पण गेल्या दोन दिवसांपासून पुन्हा एकदा नव्या कोरोनाबाधितांच्या संख्येत किंचित वाढ होताना दिसत आहे. आज सलग दुसऱ्या दिवशी कालच्या नव्या कोरोनाबाधितांच्या तुलनेत देशातील आजच्या नव्या कोरोनाबाधितांच्या संख्येत ४७० रुग्णांची वाढ होऊन गेल्या २४ तासांत २ लाख ८६ हजार ३८४ रुग्णांची नोंद झाली आहे. तर गेल्या २४ तासांत ५७३ रुग्णांच्या मृत्यू झाला असून ३ लाख ६ हजार ३५७ रुग्ण कोरोनामुक्त झाले आहेत.
India reports 2,86,384 new #COVID19 cases, 573 deaths and 3,06,357 recoveries in the last 24 hours
Active case: 22,02,472 (5.46%)
Daily positivity rate: 19.59%Total Vaccination : 1,63,84,39,207 pic.twitter.com/NKqlGIVaD6
— ANI (@ANI) January 27, 2022
सध्या देशात २२ लाख २ हजार ४७२ रुग्णांवर उपचार सुरू आहेत. दैनंदिन पॉझिटिव्हिटी रेट १९.५९ टक्के झाला आहे. आतापर्यंत १ अब्ज ६३ कोटी ८४ लाख ३९ हजार २०७ लसीकरण झाले आहे.
देशातील एकूण कोरोनाबाधितांची संख्या – ४ कोटी ३ लाख ७१ हजार ५००
देशातील एकूण मृत्यूची संख्या – ४ लाख ९१ हजार ७००
देशातील एकूण रुग्ण बरे झालेल्यांची संख्या – ३ कोटी ७६ लाख ७७ हजार ३२८
देशातील एकूण सक्रीय रुग्णसंख्या – २२ लाख ०२ हजार ४७२
देशातील एकूण चाचण्यांची संख्या – ७२ कोटी २१ लाख ६६ हजार २४८
देशातील एकूण लसीकरणाची संख्या – १ अब्ज ६३ कोटी ८४ लाख ३९ हजार २०७
