देशात कोरोना परिस्थिती़ अधिक गंभीर बनत असून दिवसागणिक कोरोना रुग्णसंख्या नवनवे रेकॉर्ड बनत आहे. यात गेल्या २४ तासात भारतात आत्तापर्यंत कोरोनाचे सर्वाधिक रुग्ण सापडले आहेत. देशात आज ३ लाख ५२ हजार ९९१ नव्या कोरोनाबाधित रुग्णांची नोंद करण्यात आली आहे. तर कोरोनामुळे मृत झालेल्या मृतांचा आकडा २८१२ वर पोहचला आहे. त्यामुळे देशात कोरोनाचा कहर कायम असून आज कोरोनामुळे मृत्य पावणाऱ्या रुग्णसंख्येने नवा उच्चांक गाठला आहे. तर गेल्या २४ तासांत देशातील २ लाख १९ हजार २७२ कोरोना रुग्ण उपचारानंतर बरे झाल्याने त्यांनी घरी सोडण्यात आले आहे. याबाबतची आकडेवारी नुकतीच केंद्रीय आरोग्य मंत्रालयाने जाहीर केली आहे.
India reports 3,52,991 new #COVID19 cases, 2812 deaths and 2,19,272 discharges in the last 24 hours, as per Union Health Ministry
Total cases: 1,73,13,163
Total recoveries: 1,43,04,382
Death toll: 1,95,123
Active cases: 28,13,658Total vaccination: 14,19,11,223 pic.twitter.com/32V7eKf1UR
— ANI (@ANI) April 26, 2021
भारतात गेल्या २४ तासांत तब्बल २ हजार ८१२ जणांचा कोरोनामुळे मृत्यू झाला आहे. त्यामुळे मृतांचा सर्वाधिक आकडा आज एकट्या भारतात वाढत आहे. देशातील एकूण रुग्णसंख्याही १ कोटी ७३ लाख १३ हजार १६३ वर पोहचली आहे. तर आत्तापर्यंत १ लाख ९५ हजार १२३ रुग्णांनी कोरोनामुळे आपले प्राण गमावले आहेत. तर देशात आत्तापर्यंत १ कोटी ४३ लाख ४ हजार ३८२ रुग्णांनी कोरोनावर यशस्वीरित्या मात केली आहे. सध्या देशात २८ लाख १३ हजार ६५८ अॅटिव्ह रुग्ण आहेत. या रुग्णांवर रुग्णालयात किंवा डॉक्टरांच्या निर्देशानुसार आपल्या घरीच आयसोलेशनमध्ये ठेवून उपचार सुरु आहेत.
देशात कोरोना संसर्ग रोखण्यासाठी सध्या लसीकरण मोहित वेगाने सुरु आहे. आत्तापर्यंत १४ कोटी १९ लाख ११ हजार २२३ नागरिकांना लसीकरण करण्यात आले आहे.