देशात शुक्रवारी ४४,२३० नव्या कोरोना रूग्णांची नोंद करण्यात आली होती तर ५५५ जणांचा कोरोनामुळे मृत्यू झाला होता. यासह ४२ हजारांहून अधिकांनी कोरोनाला हरवून त्यावर मात केली होती. मात्र कालच्या तुलनेत आज शनिवारी देशात कोरोनाबाधितांमध्ये घट झाल्याचे पाहायला मिळत आहे. गेल्या २४ तासांत देशात ४१ हजार ६४९ जणांना कोरोनाची लागण झाली तर यादरम्यान ५९३ जणांनी आपला जीव कोरोनामुळे गमावला. यासह दिवसभरात ३७ हजारांहून अधिक कोरोनारूग्ण कोरोनामुक्त झाले आहेत.
केंद्रीय आरोग्य मंत्रालयाने आज जारी केलेल्या आकडेवारीनुसार, देशात गेल्या २४ तासांत ४१ हजार ६४९ नवे कोरोनाबाधित आढळले असून ५९३ जणांच्या मृत्यूची नोंद झाली आहे. तर ३७ हजार २९१ जण कोरोनामुक्त झाले आहेत. देशात आतापर्यंत एकूण ३ कोटी १६ लाख १३ हजारांहून अधिक लोकांना कोरोनाचा संसर्ग झाला आहे. तर ४ लाख २३ हजार ८१० जणांचा मृत्यू झाला असून दिलासादायक बाब म्हणजे ३ कोटी ७ लाख ८१ हजार २६३ जण कोरोनामुक्त झाले आहे. तसेच सध्या देशात ४ लाख ८ हजार ९२० सक्रिय रूग्ण असून त्यांच्यावर उपचार सुरू आहेत.
India reports 41,649 new #COVID19 cases, 37,291 recoveries, and 593 deaths in the last 24 hours, as per the Union Health Ministry
Total cases: 3,16,13,993
Active cases: 4,08,920
Total recoveries: 3,07,81,263
Death toll: 4,23,810Total vaccination: 46,15,18,479 pic.twitter.com/ZwC3fUVTu4
— ANI (@ANI) July 31, 2021
देशात कोरोनाचा प्रादुर्भाव सुरू असून अद्याप कोरोना लसीकरण वेगाने सुरू आहे. आरोग्य मंत्रालयाने जारी केलेल्या आकडेवारीनुसार, ३१ जुलैपर्यंत देशभरात ४६ कोटी १५ लाख कोरोना लसींचे डोस देण्यात आले आहेत. यासह आयसीएमआरने दिलेल्या आकडेवारीनुसार, आतापर्यंत ४६ कोटी ६४ लाख कोरोना टेस्ट करण्यात आल्या आहेत. काल दिवसभरात १७.७६ लाख कोरोना लसींचे सॅम्पल टेस्ट करण्यात आले आहेत.
COVID-19 Testing Update. For more details visit: https://t.co/dI1pqvXAsZ @MoHFW_INDIA @DeptHealthRes @PIB_India @mygovindia @COVIDNewsByMIB #ICMRFIGHTSCOVID19 #IndiaFightsCOVID19 #CoronaUpdatesInIndia #COVID19 #Unite2FightCorona pic.twitter.com/pTQDHdz0kF
— ICMR (@ICMRDELHI) July 31, 2021