आज देशात गेल्या २४ तासात ४३ हजार ३९३ जणांना कोरोनाची लागण झाली तर ९११ जणांचा कोरोनाने मृत्यू झाला आहे. यासह दिलासादायक बाब म्हणजे देशात बरे होणाऱ्या रुग्णांची संख्या आज ४४ हजार ४५९ वर पोहचली आहेत. यासह ४० लाख २३ हजारांहून अधिकांचे कोरोना लसीकरण करण्यात आले आहे. केंद्रीय आरोग्य मंत्रालयाने दिलेल्या माहितीनुसार, देशात ४३ हजारांहून अधिक बाधित आढळ्याने देशातील एकूण बाधितांचा आकडा हा ३ कोटी ७ लाख ५२ हजार ९५० झाला आहे. तर आजपर्यंत २ कोटी ९८ लाख ८८ हजारांहून अधिक रूग्णांनी कोरोनावर मात केली आहे. देशातील अॅक्टिव्ह रुग्णंची संख्या ४ लाख ५८ हजार ७२७ इतकी झाली आहे. तर, आजपर्यंत देशात ४ लाख ५ हजार ९३९ कोरोनाबाधितांचा मृत्यू झाला आहे. याशिवाय देशभरात आजपर्यंत ३६ कोटी ८९ लाख ९१ हजार २२२ जणांचे लसीकरण पूर्ण झाले आहे.
India reports 43,393 new #COVID19 cases, 44,459 recoveries, and 911 deaths in the last 24 hours, as per Health Ministry
Total cases: 3,07,52,950
Total recoveries: 2,98,88,284
Active cases: 4,58,727
Death toll: 4,05,939Total vaccinated: 36,89,91,222 (40,23,173 in last 24 hrs) pic.twitter.com/mjo2HgtgZg
— ANI (@ANI) July 9, 2021
गुरूवारी देशात कोरोना बाधितांचा आकडा वाढून गेल्या २४ तासात ४५ हजाराहून अधिक नव्या कोरोना बाधितांची नोंद करण्यात आली होती. यासह ४४ हजार २९१ जणांनी कोरोनावर मात केली असून ८१७ जणांचा मृत्यू झाला होता. तर आज शुक्रवारी केंद्रीय आरोग्य मंत्रालयाने प्रसिद्ध केलेल्या आकडीवारी नुसार, देशात आज कोरोनाबाधितांच्या संख्येत घट झाल्याचे समोर आले आहे. यासह गुरूवार ८१७ जणांचा कोरोनाने बळी गेला होता तर आज हा आकडा वाढून ९११ वर पोहोचला आहे. त्यामुळे देशात कोरोनाने बळी जाणाऱ्यांमुळे चिंता कायम आहे. दिलासादायक बाब म्हणजे कालच्या तुलनेत आज कोरोनावर मात करण्याच्या आकड्यात वाढ झाली असून काल हा आकडा ४४ हजार २९१ होता तर आज ४४ हजार ४५९ असा झाला आहे.
42,70,16,605 samples tested for #COVID19 up to 8th July 2021. Of these, 17,90,708 samples were tested yesterday: Indian Council of Medical Research (ICMR) pic.twitter.com/kpjCP1opqq
— ANI (@ANI) July 9, 2021
आतापर्यंत देशभरात ४२ कोटी ७० लाख १६ हजार ६०५ नमुन्यांची तपासणी करण्यात आलेली आहे. यापैकी ८ जुलै रोजी १७ लाख ९० हजार ७०८ जणांची कोरोना चाचणी घेण्यात आल्याची माहिती आयसीएमआरने दिली आहे.
