देशात कोरोनाच्या आजपर्यंत १,०७१ रुग्णांची नोंद झाली आहे. गेल्या २४ तासांत देशात कोरोना विषाणूची ९२ नवीन प्रकरणे नोंदली गेली आहेत आणि या प्राणघातक विषाणूमुळे चार जणांचा मृत्यू झाला आहे. कोरोनाच्या मृतांची संख्या २९ झाली आहे. कोरोना विषाणू अजूनही देशात दुसऱ्या टप्प्यात आहे. तो अजून समुदायाद्वारे संक्रमित होण्याच्या अर्थात तिसऱ्या टप्प्यात आलेला नाही. त्यामुळे प्रत्येकाने सामाजिक अंतर ठेवावे. एखाद्या व्यक्तीच्या हलगर्जीपणामुळे हा विषाणू मोठ्या प्रमाणात पसरेल, असे इंडियन काउन्सिल ऑफ मेडिकल रिसर्चच्या (आयसीएमआर) डॉ. गंगा केतकर म्हणाले. देशभरात कोरोनावर कशा उपाययोजना सुरु आहेत, याची माहिती आरोग्य आणि कुटुंब कल्याण मंत्रालय, गृहमंत्रालय या विभागातील अधिकाऱ्यांची पत्रक परिषद पार पडली तेव्हा ते बोलत होते. देशात आतापर्यंत कोरोना विषाणूच्या ३८४४२ चाचण्या झाल्या आहेत, त्यापैकी ३५०१ कालच घेण्यात आल्या आहेत. याचा अर्थ असा की आपल्याकडे अद्याप चाचणी क्षमता ३० टक्क्यांपेक्षा कमी आहे. गेल्या तीन दिवसांत खासगी प्रयोगशाळांमध्ये १३,०३४ चाचण्या घेण्यात आल्या आहेत, असे डॉ. गंगा केतकर म्हणाले.
हेही वाचा – खुशखबर: ‘या’ दिवशी संपणार कोरोनाचे संकट; ज्योतिषाने दिले शुभसंकेत
आरोग्य आणि कुटुंब कल्याण मंत्रालयाचे सहसचिव लव अग्रवाल म्हणाले, पूर्वोत्तर प्रदेशाच्या विकास मंत्रालयाने देशाच्या ईशान्य भागात वैद्यकीय उपकरणे व आपत्कालीन वस्तूंच्या पुरवठ्यासाठी विशेष मालवाहू उड्डाणे चालविण्यास मान्यता दिली आहे.बरेली येथे स्थलांतरित मजुरांवर रसायन पडण्याची प्रक्रिया बरेली जिल्हा दंडाधिकार्यांनी काही कर्मचार्‍यांनी अज्ञानामुळे केले हे स्पष्ट केले. परंतु त्या कर्मचार्‍यांवर आवश्यक ती कारवाई केली गेली आहे.
गृह मंत्रालयाचे सहसचिव पुण्य सलीला श्रीवास्तव यांनी सांगितले की, गृहसचिवांनी काल अडकलेल्या कामगारांना अन्न व निवारा व मालकांनी पूर्ण वेतन मिळण्याचे सुनिश्चित करण्याचे आदेश राज्ये/केंद्रशासित प्रदेशांचे पोलिस अधीक्षकांना दिले. ते म्हणाले की, जमीनदारांनी मजुरांकडून भाडे मागू नये याची काळजी घेण्याचेही त्यांना निर्देश आहेत. आरोग्य मंत्रालयाच्या अधिकाऱ्यांनी सांगितले की मारुती, टाटा, महिंद्रा आणि महिंद्रा इत्यादी ऑटोमोबाईल उत्पादक व्हेंटिलेटर तयार करतात. ते आरोग्य मंत्रालयाशी चर्चेत आहेत आणि त्याबाबत बैठकाही घेत आहेत. भारत सरकारने म्हटले आहे की, भारत इलेक्ट्रॉनिक्स लिमिटेड व्हेंटिलेटर तयार करणार आहे. सर्व फार्मास्युटिकल कंपन्यांनी सरकारला आश्वासन दिलं आहे की या संकटकाळात औषधांची कमतरता भासणार नाही आणि वाहन उत्पादकदेखील व्हेंटिलेटर विकसित करणार आहेत आणि निर्मितीसाठी काम करत आहे, असेही ते म्हणाले. एप्रिलपर्यंत आणखी तीन लाख वैयक्तिक संरक्षक उपकरणे (पीपीई) येणार आहेत.
