देशात कोरोना विषाणूचा कहर सुरूच आहे. गेल्या २४ तासांत देशात ७९ हजार ४७६ नवे कोरोनाबाधित रुग्ण आढळले असून १ हजार ६९ रुग्णांचा मृत्यू झाला आहे. त्यामुळे देशातील कोरोनाबाधितांची संख्या ६४ लाख ७३ हजार ५४५वर पोहोचली आहे. यापैकी आतापर्यंत १ लाख ८४२ रुग्णांचा मृत्यू झाला आहे. तसेच ५४ लाख २७ हजार ७०७ रुग्ण कोरोनामुक्त झाले असून ९ लाख ४४ हजार ९९६ रुग्णांवर सध्या उपचार सुरू आहेत, अशी माहिती केंद्रीय आरोग्य मंत्रालयाने माहिती दिली आहे.
India's #COVID19 related deaths cross 1 lakh mark with 1,069 deaths reported in the last 24 hours.
With 79,476 new cases, the tally reaches 64,73,545 including 9,44,996 active cases, 54,27,707 cured/discharged/migrated cases & 1,00,842 deaths: Union Health Ministry pic.twitter.com/7QvhmAG2RS
— ANI (@ANI) October 3, 2020
देशात कोरोना विषाणूचा प्रादुर्भाव वाढत असल्यामुळे चाचण्यावर अधिक भर दिला जात आहे. २ ऑक्टोबरपर्यंत देशात ७ कोटी ७८ लाख ५० हजार ४०३ कोरोनाच्या चाचण्या झाल्या आहेत. यापैकी ११ लाख ३२ हजार ६७५ कोरोनाच्या चाचण्या शुक्रवारी झाल्या आहेत, अशी माहिती भारतीय वैद्यकीय संशोधन परिषदेने दिली आहे.
A total of 7,78,50,403 samples tested for #COVID19 up to October 2. Of these, 11,32,675 samples were tested yesterday: Indian Council of Medical Research (ICMR) pic.twitter.com/8T5LRFWH5I
— ANI (@ANI) October 3, 2020
दरम्यान जगातील कोरोनाबाधितांची संख्या ३ कोटी ४८ लाख ३१ हजारांहून अधिक आहे. यापैकी आतापर्यंत १० लाख ३३ हजारांहून अधिक रुग्णांचा मृत्यू झाला आहे. तसेच २ कोटी ५८ लाख ९५ हजारांहून अधिक रुग्ण कोरोनामुक्त झाले आहेत.
हेही वाचा – रस्ते अपघातात मृत्यू झाल्यास रस्ता बनवणाऱ्या कंपनीला होणार १ लाखांचा दंड
