वास्तविक नियंत्रण रेषेवर (LAC) सुरू असलेल्या तणावाच्या पार्श्वभूमीवर भारत आणि चीनची रशियात महत्त्वपूर्ण बैठक होत आहे. रशियाची राजधानी मॉस्कोमध्ये संरक्षणमंत्री राजनाथ सिंह यांची चीनचे संरक्षणमंत्री वेई फेंगे यांच्यासोबत बैठक होत आहे. चीनचे संरक्षणमंत्री फेंगे यांनी राजनाथ सिंह यांच्यासोबत भेटीची मागणी केली होती. शांघाय कोऑपरेशन ऑर्गनायझेशन (एससीओ) च्या बैठकीसाठी हे दोन्ही नेते सध्या रशियामध्ये आहेत.
Raksha Mantri Shri @rajnathsingh meeting the Chinese Defence Minister, General Fenghe in Moscow. pic.twitter.com/BDXFAYAVjn
— रक्षा मंत्री कार्यालय/ RMO India (@DefenceMinIndia) September 4, 2020
मेपासून भारत आणि चीनमध्ये तणाव आहे आणि तेव्हापासून लष्करी-मुत्सद्दी पातळीवर बर्‍याच चर्चा होत आहेत. दोन्ही देशांच्या संरक्षण मंत्र्यांची ही बैठक आतापर्यंतची सर्वोच्च पातळीची बैठक आहे. मॉस्कोमधील एका प्रमुख हॉटेलमध्ये झालेल्या चर्चेत संरक्षण सचिव अजय कुमार आणि रशियातील भारतीय राजदूत डीबी वेंकटेश वर्मा हे भारतीय प्रतिनिधीमंडळात सहभागी आहेत.
दोन्ही देशांचे परराष्ट्र मंत्री भेटणार?
परराष्ट्रमंत्री एस. जयशंकरही काही दिवसांत रशियाला जाणार आहेत. ते एससीओच्या परराष्ट्र मंत्र्यांच्या परिषदेला उपस्थित राहतील. चीन आणि भारताचे परराष्ट्र मंत्री येथे भेटण्याची शक्यता आहे.
