नवी दिल्ली : बिहार विधानसभेच्या अर्थसंकल्पीय अधिवेशनाचे कामकाज आज सुरू होताच विरोधकांनी बिहटा येथील तुषार या विद्यार्थ्यांच्या अपहरणानंतर हत्येचा मुद्दा लावून धरला होता. बिहारमधील वाढत्या गुन्हेगारीचा मुद्दा उपस्थित करत भाजपच्या आमदारांनी सरकारला घेरले. यूपीच्या धर्तीवर बिहारमध्ये योगी मॉडेल लागू करून गुन्हेगारीला आळा घालण्याची मागणी भाजप आमदार पवन जैस्वाल यांनी केली आहे. त्यांनी सांगितले की, सरकारने गुन्हेगारांमध्ये भीती निर्माण केली पाहिजे. एका निष्पापाचे अपहरण करून हत्या करण्यात आली आहे. गुन्हेगार किती बेधडक झाल्याचेही त्यांनी सांगितले.
मोदींवरील टीकेनंतर भाजप आमदारांनी घातला गोंधळ
जेडीयू आमदार मीना कामत यांनी पंतप्रधान मोदींवर केलेल्या टीकेवरून भाजप आमदारांनी आज विधानसभेत गोंधळ घातला होता. यानंतर विधानसभा अध्यक्षांनी जेडीयू आमदाराच्या आक्षेपार्ह टिप्पणीला सभागृहाच्या कामकाजातून काढून टाकण्याचे आदेश दिले. यानंतर विरोधी पक्षनेते विजय सिन्हा यांनी राज्यात अपहरण, लूटमार, हत्या होत असून सरकार गप्प असल्याचा आरोप केला. मुझफ्फरपूरच्या मंत्र्याचा मुद्दा उपस्थित झाल्यावर आरजेडीने विरोध सुरू केला. विजय सिन्हा यांनी पुन्हा विचारले असता मुख्यमंत्री म्हणाले की, खेळाडूंना नोकऱ्या देण्याची चर्चा अटलजींच्या काळातच सुरू झाली होती.
स्मशानभूमीच्या वेढ्याचा मुद्दा सभागृहात
प्रभारी मंत्री अशोक चौधरी यांनी बिहार स्टेट पॉवर ट्रान्समिशन कंपनी लिमिटेड पाटणाच्या 2017-18 आणि 2018-19 या आर्थिक वर्षांच्या वार्षिक अहवालाची प्रत सभागृहाच्या पटलावर आज मांडली. तत्पूर्वी, आमदार मनोज मंझील यांनी स्मशानभूमीला घेराव घालण्याचा मुद्दा सभागृहात उपस्थित केला. यावर प्रभारी मंत्री विजेंद्र यादव म्हणाले की, जिथे शांतता राखली जाते, तिथे संवेदनशील नसलेल्या ठिकाणी घेराव घालण्याची गरज नाही.
विधान परिषदेतील आजच्या घडामोडी…
बिहार विधानपरिषदेतील आरजेडी सदस्य कुमार नागेंद्र यांनी हवामानातील बदलामुळे पिकांचे नुकसान झाल्याचा मुद्दा उपस्थित करताना बिहार सरकारने शेतकऱ्यांना दिलासा द्यावा, अशी मागणी त्यांनी केली. भाजपचे आमदार हरी साहनी यांनी सभागृहात दारूबंदीचा मुद्दा उपस्थित केला. ते म्हणाले की, बिहार दारूबंदी कायद्याच्या यशस्वी अंमलबजावणीसाठी पुनरावलोकनाची गरज आहे. मुख्यमंत्री नितीश कुमार यांच्यावर हल्लाबोल करताना ते म्हणाले की, जो पिणार तो मरणार, हे देशातील सर्वात मोठे असंवेदनशील विधान असल्याचा आरोप केला आहे.
