झारखंडमधील गिरिडीह जवळ बुधवार, गुरुवारच्या मध्य रात्री नक्षलवाद्यांनी बॉम्ब हल्ला करून रेल्वे ट्रॅक उडवला. याबाबतची माहिती मिळल्यानंतर हावडा-गया-दिल्ली रेल्वे मार्गावरील ट्रेनची वाहतूक बंद करण्यात आली. तर काही ट्रेनचे मार्ग बदलून इतर मार्गावरून धावत होत्या.
पूर्व मध्य रेल्वेचे सीपीआरओ राजेश कुमार यांच्या माहितीनुसार, पेट्रोलमन गौरव राज आणि रोहित कुमार सिंह यांनी स्टेशन मास्टरला सांगितले की, रात्री १२.३४ वाजता धनबाद भागातील करमाबाद-चिचाकी स्टेशन दरम्यान स्फोट झाला आहे. ही माहिती मिळाल्यानंतर सुरक्षेच्या दृष्टीकोनातून हावडा-दिल्ली रेल्वे मार्गाच्या गोमो-गया (जीसी) रेल्वे विभागातील येणाऱ्या-जाणाऱ्या लाईनवरील ऑपरेशन्स थांबवण्यात आले आहे.
Jharkhand | Suspected Naxals blow up a portion of railway tracks on the Howrah-New Delhi line between Chichaki and Chaudharybandh railway stations in Giridih; details awaited pic.twitter.com/9cx7GE14NK
— ANI (@ANI) January 27, 2022
रद्द केलेली ट्रेन
१३३०५ धनबाद-डेहरी ऑन सोन एक्सप्रेस रद्द
या ट्रेनटचे मार्ग बदलले
- १२३०७ हावडा-जोधपूर एक्स्प्रेस प्रवासाची सुरुवात २६.०१.२२ प्रधानखंटा-गया-DDU ऐवजी झाझा-पाटणा-DDU मार्गे धावेल.
- १२३२१ हावडा-छत्रपती शिवाजी टर्मिनस एक्स्प्रेसच्या प्रवासाची सुरुवात २६.०१.२०२२ प्रधानखंटा-गया-DDU ऐवजी झाझा-पाटणा-DDU मार्गे धावेल.
- १२३१२ कालका- हावडा एक्स्प्रेस २५.०१.२०२२ रोजी गया-पाटणा-झाझा ऐवजी DDU-गया प्रधानखंटा मार्गे धावेल.
- १२३२२ छत्रपती शिवाजी महाराज टर्मिनस-हावडा एक्स्प्रेस २५.०१.२२ रोजी गया-पाटणा-झाझा ऐवजी DDU-गया प्रधानखंटा मार्गे धावेल.
- २२८२४ नवी दिल्ली-भुवनेश्वर राज एक्स्प्रेस, १२३१४ नवी दिल्ली-सियालदह राजधानी एक्स्प्रेस आणि १२३०२ नवी दिल्ली-हावडा राजधानी एक्स्प्रेस २६.०१.२०२२ रोजी DDU-गया-प्रधानखंटा ऐवजी DDU-पाटणा-झाझा मार्गे धावेल.
- १२८१६ आनंद विहार-पुरी एक्स्प्रेस २६.०१.२०२२ रोजी कोडरमा-नेसुचबो गोमो ऐवजी हजारीबाग टाउन-बरकाकाना मार्गे धावेल.
- १२८२६ आनंद विहार-रांची झारखंड संपर्क क्रांती एक्स्प्रेस २६.०१.२०२२ रोजी कोडरमा-राजाबेरा ऐवजी कोरडमा-हजारीबाग टाउन-बरकाकाना मार्गे धावेल.
या गाड्या थांबवल्या
- १३३२९ धनबाद-पटना एक्स्प्रेस चौधरीबांधमध्ये ००.३५ वाजल्यापासून थांबविण्यात आली.
- १८६२४ हटिया-इस्लामपूर एक्स्प्रेस पारसनाथ येथए ००.३७ वाजता थांबवली.
- १८६०९ रांची-लोकमान्य टिळक टर्मिनस एक्स्प्रेस पारसनाथ येथे ००.५५ वाजता थांबवली.
हेही वाचा – भारताची डोकेदुखी वाढणार, चीनने बनवला बर्फावर धावणारा रोबोट