ट्विटर इंडियाचे व्यवस्थापकीय संचालक (एमडी) मनीष माहेश्वरी यांनी दाखल केलेल्या याचिकेवर कर्नाटक उच्च न्यायालयाने मंगळवारी आपला (२० जुलै रोजी) निकाल देणार असल्याचे सांगितले. माहेश्वरी यांनी उत्तर प्रदेश पोलिसांच्या नोटीसला आव्हान दिले असून, त्यामध्ये त्यांना पोलिस ठाण्यात हजर राहण्यास सांगण्यात आले आहे. या खटल्याच्या सुनावणी दरम्यान न्यायमूर्ती जी. नरेंद्र यांनी सांगितले की, पोलिसांच्या कार्यक्षेत्रात तपशीलवार अभ्यास केला जाईल. यानंतर पुढील मंगळवारी निकाल सुनावण्यात येणार असल्याचे सांगितले जात आहे.
उत्तर प्रदेशच्या गाझियाबाद पोलिसांनी महेश्वरीला २१ जून रोजी सकाळी १०.३० वाजता लोणी बॉर्डर पोलीस ठाण्यात हजर राहण्यास सांगितले. फौजदारी प्रक्रिया सीआरपीसीच्या कलम ४१-ए अंतर्गत नोटीस बजावली होती. माहेश्वरी बेंगळुरूमध्ये राहत असल्याने त्यांनी नोटीसला कर्नाटक उच्च न्यायालयात आव्हान दिले आहे. २४ जून रोजी हायकोर्टाने आपल्या अंतरिम आदेशानुसार गाजियाबाद पोलिसांना माहेश्वरीविरोधात कोणतीही कारवाई करण्यास रोखले होते. गाझियाबाद पोलिसांनी ट्विटर इंक, ट्विटर इंडिया आणि इतरांविरोधात १५ जून रोजी गुन्हा दाखल केला होता. सर्वांवर हा व्हिडिओ प्रसारित करण्याचा आरोप आहे, ज्यात अब्दुल समद सैफी नावाच्या वृद्ध व्यक्तीला काही तरुणांनी मारहाण केली आणि जय श्री राम यांचा जप करण्यास भाग पाडले. व्हिडिओच्या प्रसारणामुळे जातीय सलोख्याचा परिणाम झाला, असा पोलिसांचा आरोप आहे.
दरम्यान, गेल्या काही दिवसांपूर्वी वादग्रस्त नकाशा प्रकरण चांगलेच गाजले होते. ट्विटरच्या करिअर पेजवरील Tweep Life सेक्शनमध्ये एक जागतिक नकाशा आहे, जगभरात ट्विटरच्या टीमचे लोकेशन्स याद्वारे कंपनीकडून दर्शवले जातात. या नकाशात भारताचाही समावेश आहे. परंतु भारताचा नकाशा विवादित म्हणून दर्शविला गेल्याचे समोर आले होते. त्यानंतर ही चूक सुधारण्यात आली होती. ट्विटरने भारताच्या नकाशावर चुकीची भूमिका दाखवण्याची ही पहिली वेळ नाही. यापूर्वीही लडाख भारताहून वेगळा करून दर्शवण्यात आला होता. यानंतर हा नकाशा सुधारल्याचे सांगण्यात आले होते.
