केदारनाथ मंदिरात व्यासपीठाजवळ ५० टन वजनाचे ‘ओम’ चिन्ह लावले जाणार आहे. सोमवारी या चिन्हाची चाचणी करण्यात आली. साधारण दोन आठवड्यांत हे चिन्ह येथे बसवले जाणार आहे. केदारनाथ मंदिराच्या गर्भगृहात सोन्याचा मुलामा चढवल्यानंतर, मंदिरात सुवर्ण कलश आणि छत्र बसवल्यानंतर आता केदारधाममध्ये 50 टन वजनाचे ओम चिन्ह बसवण्यात येणार आहे. त्यासाठी काम सुरू झाले आहे. ( Kedar Dham Kedartemple Om of gigantic size in Kedarnath See photos )
हे ओम चिन्ह ५० टन वजनाचे आहे. याला ट्रॅक्टरच्या सहाय्याने केदारनाथ धामला नेण्यात आला. या चिन्हाला डझनभरहून अधिक तुकड्यांना जोडून तयार करण्यात आले आहे. सोमवारी सार्वजनिक बांधकाम विभागाकडून त्याची चाचणी घेण्यात आली. केदारनाथ मंदिरापासून 200 मीटर अंतरावर असलेल्या प्लॅटफॉर्मवर ते बसवण्यात येणार आहे.
तांबे आणि पितळ यांचे मिश्रण करून ते तयार करण्यात आले असून ते जर्मनीतून आयात करण्यात आल्याचे सांगण्यात येत आहे. ओमचे हे चिन्ह भक्तांना आकर्षित करेल. सार्वजनिक बांधकाम विभागाचे कार्यकारी अभियंता जितेंद्र झिनकन यांनी सांगितले की, ‘ओम’ चिन्ह बसविण्याची चाचणी घेण्यात आली आहे. ती चाचणी यशस्वी झाली. आता हे चिन्ह सुमारे दोन ते तीन आठवड्यांत लावले जाईल.
केदारनाथ दुर्घटनेला नऊ वर्षांनंतर भगवान शिवाचे उपासक गुरु ईशानेश्वर यांचे निवासस्थान मिळणार आहे, त्यासाठी अंतिम फेरीचे काम सुरू असून या महिन्यात हे काम पूर्ण होण्याची अपेक्षा आहे. आपत्तीनंतर खुल्या आकाशाखाली देवाच्या मूर्तींची पूजा केली जात आहे.
ईशानेश्वर महादेवाची पूजा करण्यापूर्वी बाबा केदार यांना अन्नदान करण्याची परंपरा आहे. हे सुख-समृद्धी आणि वैभवाचेही प्रतीक मानले जाते. केदारनाथ धाममध्ये असलेले ईशानेश्वर मंदिर हे एक प्राचीन मंदिर आहे. जगप्रसिद्ध केदारनाथ धामचे मंदिर पांडवांनी बांधले होते.
आठव्या शतकात आदिगुरू शंकराचार्यांनी केदारनाथ मंदिराची पुनर्बांधणी आणि जीर्णोद्धार केला होता. पण, केदारनाथ मंदिराच्या उत्तर-पूर्व कोपऱ्यात केदारनाथ मंदिरापूर्वी केदारनाथचे गुरू ईशानेश्वर महादेव यांचे मंदिर बांधण्यात आले होते.
( हेही वाचा: ठरलं! कर्नाटकला ‘या’ तारखेला मिळणार नवा मुख्यमंत्री; खर्गेंनी सोडवला तिढा )
ज्याप्रमाणे कोणत्याही घराचा पाया घालण्यापूर्वी ईशान्य दिशेला वास्तुपूजा केली जाते, त्याचप्रमाणे केदारनाथ मंदिराच्या उभारणीपूर्वी ईशानेश्वर महादेवाचे मंदिर ईशान्य कोपर्‍यात बांधले गेले होते. आजही परंपरेनुसार केदारनाथ मंदिरात दररोज पूजेपूर्वी ईशानेश्वर महादेवाची पूजा केली जाते, मात्र 2013 साली हे मंदिर ढिगाऱ्याखाली पडल्यामुळे नष्ट झाले होते.
मंदिराचे बांधकाम अंतिम टप्प्यात आहे. या महिन्यात काम पूर्ण होणार असून, दगडी कोरीव काम सुरू आहे. सुमारे एक कोटी रुपये खर्चून हे बांधकाम करण्यात येत आहे..
