घर देश-विदेश अमेरिकेत राहुल गांधींसमोर खलिस्तानी घोषणा; भारत, काँग्रेस आणि इंदिरा गांधी यांच्याविरोधात जोरदार...

अमेरिकेत राहुल गांधींसमोर खलिस्तानी घोषणा; भारत, काँग्रेस आणि इंदिरा गांधी यांच्याविरोधात जोरदार घोषणाबाजी

Subscribe

काँग्रेस नेते राहुल गांधी हे 6 दिवसांच्या अमेरिका दौऱ्यावर गेले आहेत. त्यांनी मंगळवारी सॅन फ्रान्सिस्कोमध्ये भारतीयांसमोर भाषण केले. यावेळी काही खलिस्तान समर्थकांनी भारत, काँग्रेस आणि इंदिरा गांधी यांच्या विरोधात घोषणाबाजी करत खलिस्तानचे झेंडे फडकावले. राहुल गांधी यांना बराच वेळ भाषण थांबवावे लागले. नंतर या खलिस्तान समर्थकांना पोलिसांनी हाकलून दिले.

काँग्रेस नेते राहुल गांधी हे 6 दिवसांच्या अमेरिका दौऱ्यावर गेले आहेत. त्यांनी मंगळवारी सॅन फ्रान्सिस्कोमध्ये भारतीयांसमोर भाषण केले. यावेळी काही खलिस्तान समर्थकांनी भारत, काँग्रेस आणि इंदिरा गांधी यांच्या विरोधात घोषणाबाजी करत खलिस्तानचे झेंडे फडकावले. राहुल गांधी यांना बराच वेळ भाषण थांबवावे लागले. नंतर या खलिस्तान समर्थकांना पोलिसांनी हाकलून दिले. ( Khalistani slogan before Rahul Gandhi in America Loud sloganeering against India Congress and Indira Gandhi )

राहुल यांनी भाषणात पंतप्रधान नरेंद्र मोदी, भाजप आणि आरएसएसला टोला लगावला. म्हणाले- मोदी देवालाही जग चालवायला शिकवतील, देवालाही धक्का बसेल मी काय केलं, असं म्हणत त्यांनी मोदींना टोला लगावला.

- Advertisement -

राहुल गांधी मंगळवारी संध्याकाळी अमेरिकेत पोहोचले. इंडियन ओव्हरसीज काँग्रेसचे अध्यक्ष सॅम पित्रोदा यांनी त्यांचे स्वागत केले. मीडिया रिपोर्ट्सनुसार, राहुलला इमिग्रेशन क्लिअरन्ससाठी विमानतळावर 2 तास थांबावे लागले. नंतर राहुल गांधी म्हणाले की मी आता एक सामान्य माणूस आहे, खासदार नाही.

सॅन फ्रान्सिस्कोमध्ये राहुल भाषण देत असताना खलिस्तान समर्थकांनी खलिस्तानचा झेंडा फडकवत घोषणाबाजी केली. राहुल यांच्यासमोर भारत, इंदिरा गांधी आणि काँग्रेस पक्षाच्या विरोधात घोषणाबाजी करण्यात आली. यानंतर राहुल गांधींनी भाषण थांबवले.

- Advertisement -

राहुल गांधींच्या कार्यक्रमासाठी जागा बुक करण्यात आल्या होत्या. नोंदणी केल्यानंतरच खलिस्तान समर्थक आत पोहोचले. झेंडे त्यांनी खिशात लपवून ठेवले होते. राहुल यांचे भाषण सुरू झाल्यानंतर काही वेळातच या लोकांनी घोषणाबाजी सुरू केली.

खलिस्तान समर्थक आणि बंदी घातलेल्या शिख्स फॉर जस्टिस (SFJ) या संघटनेचे प्रमुख गुरपतवंत सिंग पन्नू यांनी राहुल गांधींच्या कार्यक्रमात झालेल्या गोंधळाची जबाबदारी घेतली आहे. पन्नू सोशल मीडियावर म्हणाले – राहुल गांधी जिथे जातील तिथे त्यांना असाच विरोध केला जाईल. 22 जूनला व्हाईट हाऊसमध्ये येणार्‍या पंतप्रधान नरेंद्र मोदींनाही विरोध केला जाणार आहे.

राहुल गांधींनी भारतीयांशी 7 विषयांवर चर्चा केली…

1. भारत जोडो यात्रा
राहुल गांधी म्हणाले, मी कन्याकुमारी ते काश्मीर अशी पायी पदयात्रा सुरू केली. प्रवासादरम्यान राजकारणात कोणत्या गोष्टी वापरल्या जातात हे शिकत होतो. भाजप आणि संघाचे नियंत्रण होते. लोकांना घाबरवले जात होते, एजन्सीचा वापर केला जात होता. आम्हाला राजकारण करणे कठीण जात होते. म्हणून आम्ही श्रीनगरपर्यंत कूच करण्याचा निर्णय घेतला.

2. भारत जोडो यात्रा
राहुल गांधी म्हणाले की, मी जेव्हा सुरुवात केली तेव्हा मला वाटलं बघू काय होतंय. 5-6 दिवसांनी वाटलं की 4000 किमी प्रवास करणं सोपं नाही. गुडघ्याला झालेली जुनी जखमही दुखू लागली. मला चालताना खूप दुखायला लागलं. अचानक काहीतरी झालं. हे खूप धक्कादायक होते. मला जाणवले की 25 किलोमीटरचा प्रवास केल्यावर मला थकवा जाणवत नाही. आम्ही सकाळी 6 वाजता उठायचो आणि संध्याकाळी 7-8 पर्यंत चालायचो आणि मला थकवा जाणवला नाही, असं राहुल गांधी यावेळी म्हणाले.

3. द्वेषाच्या बाजारात प्रेमाचे दुकान
राहुल म्हणाले, “भारत जोडोच्या वेळी मला जाणवले की देशात काय चालले आहे. मी चालत नव्हतो, भारत माझ्यासोबत चालत होता. सर्व धर्म आणि समाजाचे लोक येत होते, मुले येत होती. असं प्रेमाचं वातावरण तयार केलं जात होतं. सगळे एकमेकांना मदत करत होते.त्यानंतर आम्हाला द्वेषाच्या बाजारात प्रेमाचे दुकान उघडण्याची कल्पना आली.

4. काँग्रेस पक्ष
गांधी म्हणाले, काँग्रेस सर्वांवर प्रेम करतं. जे कोणी आमच्याशी काही बोलायला येतात आम्ही त्यांचं ऐकतो. आम्ही आक्रमक होत नाही, आम्हाला राग येत नाही. आम्ही त्यांच्यावर प्रेम करतो. पदयात्रेत एक वेगळीच उर्जा येऊ लागली. सरकारने ही यात्रा अडवण्याचा प्रयत्न केला. पोलिसांचा वापर करण्यात आला. काहीच उपयोग झाला नाही.

5. ज्यांना सर्व काही माहित असल्याचा भ्रम आहे, तेच देश चालवत आहेत
राहुल गांधी म्हणाले, जग इतकं मोठं आहे की, त्याला सर्व काही माहीत आहे, असं कोणीही म्हणू शकत नाही. हा एक आजार आहे की, त्यांना सर्व काही माहीत आहे, असं मानणाऱ्या लोकांचा एक समूह आहे. त्यांना वाटतं की त्यांना देवापेक्षा जास्त माहिती आहे. आमचे पंतप्रधान हे त्यातच एक एक उदाहरण आहेत. मला वाटते जर मोदीजींना देवाशेजारी बसवले तर ते देवाला सांगू शकतील की जग कसे चालते, देवालाही आश्चर्य वाटेल की मी काय केलं आहे.

6. भारतीय जनता पार्टी
ते म्हणाले, “भारत कधीही कोणत्याही कल्पनेकडे दुर्लक्ष करत नाही. जो कोणी भारतात येतो, त्याचे खुले मनाने स्वागत केले जाते आणि आम्ही त्याच्या कल्पना आत्मसात करतो. हा भारत आहे ज्याचे तुम्ही प्रतिनिधित्व करत आहात.

( हेही वाचा:  ‘संसदेची नवीन इमारत सोमालियाच्या जुन्या संसदेची कॉपी’; काँग्रेस-तृणमूलचा मोदींवर गंभीर आरोप )

7. अमेरिकेतील भारतीय समाज

अमेरिका जेव्हा म्हणते की भारतीय बुद्धिमान आहेत, आदरास पात्र आहेत, तर ते केवळ तुमच्या व्यवहारामुळे आहे. मी 16 तासांनंतर इथे पोहोचलो आहे. थोडा थकवा जाणवतोय परंतु तुमची ऊर्जा बघून आता माझा थकवा गायब झाला आहे.

- Advertisment -