लखनऊमधील व्हीआयपी गेस्ट हाऊसजवळ बुधवारी संध्याकाळी एक मोठी दुर्घटना घडली. येथे एका सरकारी इमारतीचे छत कोसळले. या घटनेत अनेक लोक छताखाली गाडले गेल्याचे सांगण्यात येत आहे. ही घटना हजरतगंजच्या डालीबागची आहे. संततधार पावसामुळे जीर्ण झालेल्या सर्व्हर क्वार्टरच्या आतील भागाची पडझड झाल्याचे सांगण्यात आले आहे. अपघातानंतर प्रशासन आणि बचाव पथक घटनास्थळी पोहोचले आहे. ( Lucknow Uttar Pradesh Up government building collapses near VIP guest house in Lucknow )
घटनास्थळी बचावकार्य सुरू आहे. इमारतीत अडकलेल्या इतर लोकांनाही बाहेर काढण्यात येत आहे. आतापर्यंत चार जणांना पथकाने सुखरूप बाहेर काढले आहे. अजूनही अनेक लोक इमारतीत अडकल्याचे सांगण्यात येत आहे. इमारतीत अडकलेल्या लोकांना हायड्रोलिक क्रेनच्या मदतीने बाहेर काढण्यात येत आहे.
मुख्यमंत्री योगी यांनी हे निर्देश दिले
उत्तर प्रदेशचे मुख्यमंत्री योगी आदित्यनाथ यांनी लखनऊमध्ये घराची बाल्कनी पडल्याने झालेल्या अपघाताची दखल घेतली आहे. मुख्यमंत्री योगी यांनी जिल्हा प्रशासनाच्या अधिकाऱ्यांना घटनास्थळी पोहोचून मदतकार्याला गती देण्याचे आणि जखमींना तातडीने रुग्णालयात नेण्याचे आणि त्यांच्यावर योग्य उपचार करण्याचे निर्देश दिले आहेत. मुख्यमंत्र्यांनी जखमींना लवकरात लवकर बरे होण्यासाठी प्रार्थनाही केली आहे.
( हेही वाचा: अबब… निवृत्त अधिकाऱ्याच्या घरात सापडले 38 कोटी रुपये कॅश; वाचा, कोण आहे ‘हा’ अधिकारी )
#WATCH उत्तर प्रदेश: लखनऊ के हजरतगंज इलाके में एक इमारत की छत गिर गई। बचाव अभियान जारी है। अधिक जानकारी की प्रतीक्षा है। pic.twitter.com/p2h9YxHzJl
— ANI_HindiNews (@AHindinews) May 3, 2023
