काँग्रेस नेते आणि महाराष्ट्राचे ऊर्जामंत्री नितीन राऊत यांना उत्तर प्रदेश पोलिसांनी ताब्यात घेतलं आहे. उत्तर प्रदेशमध्ये दलित सरपंचाची हत्या करण्यात आली आहे. या पार्श्वभूमीवर नितीन राऊत हत्या झालेल्या सरपंचाच्या कुटुंबाला भेटण्यासाठी नितीन राऊत जात होते. मात्र, उत्तर प्रदेश पोलिसांनी नितीन राऊत यांना आझमगडच्या सीमेवर रोखत पुढे जाण्याची परवानगी देण्यास नकार दिला. यानंतर त्यांना ताब्यात घेण्यात आलं. याबाबतची माहिती काँग्रेसने ट्विट करत दिली आहे. पोलिसांनी रोखल्यानंतर नितीन राऊत आणि त्यांच्या समर्थकांनी तिथेच रस्त्यावर बसून ठि्य्या आंदोलनास सुरुवात केली होती.
काँग्रेसने उत्तर प्रदेश पोलिसांच्या कारवाईचा निषेध केला आहे. “युपी सरकार दलित सरपंच सत्यमेव जयते यांची हत्या रोखू शकले नाही मात्र त्यांच्या घरी पोहोचणाऱ्या भावनांचा संदेश रोखत आहे,” असे ट्विट काँग्रेसने केले आहे.
महाराष्ट्र के कैबिनेट मंत्री व दलित कांग्रेस के राष्ट्रीय अध्यक्ष श्री @NitinRaut_INC को आजमगढ़ बॉर्डर पर डिटेन कर लिया गया।
यूपी सरकार दलित प्रधान की हत्या तो नहीं रोक पाई लेकिन अब श्री सत्यमेव जयते के घर पहुंचने वाले संवेदना संदेशों को रोकने में लगी है। pic.twitter.com/MwrQ3BPWi4
— UP Congress (@INCUttarPradesh) August 20, 2020
बसगाव जिल्हा आज़मगढ़ उत्तरप्रदेश में मेरे भाई दलित प्रधान सत्यमेव दस्ते की हत्या हुई। पीड़ित परिवार को मिलने से मुझे रोका जा रहा है। pic.twitter.com/SOTzgv4Z24
— Dr. Nitin Raut (@NitinRaut_INC) August 20, 2020
काही दिवसांपूर्वी आझमगड येथील बांसा गावातील दलित सरपंच सत्यमेव जयते उर्फ पप्पू राम यांची गोळी मारुन हत्या करण्यात आली होती. हल्ल्याची गंभीर दखल घेत अखिल भारतीय काँग्रेसच्या अनुसूचित जाती विभागाने सरकारला धारेवर धरले आहे. भारतीय काँग्रेसच्या अनुसूचित जाती विभागाचे अध्यक्ष आणि राज्याचे ऊर्जामंत्री नितीन राऊत उत्तर प्रदेश दौऱ्यावर गेले आहेत. मात्र, त्यांना उत्तर प्रदेश पोलिसांकडून रोखण्यात आले आहे. यानंतर नितीन राऊत यांनी तिथेच रस्त्यावर ठाण मांडत शांततेच्या मार्गाने निषेध नोंदवला.
आज़मगढ़ से पहले गौरा-बादशाहपुर में दलित कांग्रेस अध्यक्ष एवं महाराष्ट्र सरकार मंत्री @NitinRaut_INC जी, भगवती चौधरी और कांग्रेस के कार्यकर्ताओं के साथ हमे रोक लिया गया है ,
डॉ नितिन राउत जी इस तानाशाही के खिलाफ यहीं धरने पे बैठ गए हैं। pic.twitter.com/mnPMu6s1fY— Pradeep Narwal (@Narwal_inc) August 20, 2020