मास्क ते वेंटिलेटर…जाणून घ्या भारताची कोरोना विरुद्धची तयारी

भारतासह संपूर्ण जग यावेळी कोरोना विषाणूच्या चक्रात आहे. जगभरातील शास्त्रज्ञ आणि सरकार या प्राणघातक विषाणूचा पराभव करण्याचा प्रयत्न करीत आहेत.

Masks to ventilators Learn India's preparation for Corona virus
Masks to ventilators Learn India's preparation for Corona virus

भारतासह संपूर्ण जग यावेळी कोरोना विषाणूच्या चक्रात आहे. जगभरातील शास्त्रज्ञ आणि सरकार या प्राणघातक विषाणूचा पराभव करण्याचा प्रयत्न करीत आहेत. इटली, अमेरिका, स्पेन आणि इराणमध्ये या विषाणूमुळे बर्‍याच प्रमाणात विनाश झाला आहे. इटलीमध्ये मृतांचा आकडा दहा हजारांच्या पुढे गेला आहे. त्याच वेळी, अमेरिकेतील सर्वाधिक कोरोना संक्रमित आहे. भारतातही कोरोना विषाणूची १२०० हून अधिक प्रकरणे नोंदवली गेली आहेत आणि ३२ लोकांचा मृत्यू झाला आहे. कोरोनाचा प्रादुर्भाव रोखण्यासाठी २१ दिवसांसाठी लॉकडाऊन जाहीर करण्यात आला आहे. आरोग्य कर्मचार्‍यांना अधिक चांगले संरक्षण मिळावे म्हणून भारत आरोग्य सेवा आणि उपकरणे खरेदी करण्याच्या प्रक्रिया जलद गतीने करत आहे.

भारताची तयारी कशी आहे?

भारतातील रूग्णालयात सध्या ११.९५ लाख एन 95 मास्क आहेत.गेल्या ३ दिवसांत ६ लाखाहून अधिक अतिरिक्त मास्क वितरित करण्यात आले आहेत.भारतातील दोन देशांतर्गत उत्पादक दररोज ५० हजार एन 95 मास्क तयार करत आहेत. पुढील आठवड्यात हे उत्पादन १ लाखांच्या वर जाईल.संरक्षण संशोधन आणि विकास संस्था अर्थात डीआरडीओ पुढील आठवड्यापासून दररोज २० हजार एन 99 मास्क तयार करेल.


हेही वाचा – ‘या’ कारणांमुळे दिल्लीचा निजामुद्दीन भाग कोरोनाचं केंद्र बनलं


केंद्रीय आरोग्य मंत्रालयाने सोमवारी वैयक्तिक संरक्षणात्मक उपकरणे (पीपीई) आणि मास्कविषयी माहिती देताना सांगितले की देशातील रुग्णालयांमध्ये ३.३४ लाख पीपीई आहेत. त्याचबरोबर 4 एप्रिलपर्यंत आम्हाला ३ लाख पीपीई परदेशातून मिळतील. मंत्रालयाने म्हटले आहे की देशात पीपीईचे ११ देशांतर्गत उत्पादक आहेत. त्यांची सुरक्षा उपकरणे पात्र असल्याचे आढळून आले असून २१ लाख पीपीई मागविण्यात आले आहेत. ते दररोज ६०००-७००० पीस पुरवतील आणि एप्रिलच्या मध्यापर्यंत हा आकडा १५०० वर जाईल.

मंत्रालयाच्या म्हणण्यानुसार, परराष्ट्र मंत्रालयाने सिंगापूरस्थित एका कंपनीशी चर्चा केली असून १० लाख पीपीई देण्याचे आदेश दिले आहेत. ज्याचा पुरवठाही लवकरच सुरू होईल. त्याचवेळी दक्षिण कोरियन कंपनीकडून २० लाख पीपीई मागविण्यात आले आहेत. या कंपनीत दिवसाला १ लाख सुरक्षा उपकरणे तयार करण्याची क्षमता आहे. त्याचा पुरवठा येत्या १० दिवसात सुरू होईल.


हेही वाचा – धक्कादायक: कोरोनाच्या उद्रेकानंतर मानसिक आजार असलेल्या रुग्णांमध्ये २० टक्क्यांनी वाढ


त्याचबरोबर व्हेंटिलेटरबाबतही सरकार गंभीर आहे. मंत्रालयाने म्हटले आहे की नोएडाच्या एग्वा हेल्थकेअरला दरमहा १०,००० व्हेंटिलेटर तयार करण्याचे आदेश देण्यात आले आहेत. त्याचा पुरवठा २ एप्रिलपासून सुरू होण्याची शक्यता आहे. कोविड -१९ च्या रूग्णांसाठी देशभरातील रूग्णालयात १४ हजार विद्यमान व्हेंटिलेटर ठेवण्यात आले आहेत. त्याचबरोबर भारत इलेक्ट्रॉनिक्स लिमिटेडला पुढील दोन महिन्यांत स्थानिक उत्पादकांसह ३० हजार व्हेंटिलेटर तयार करण्यास सांगितले आहे. भारतीय वाहन उत्पादकदेखील व्हेंटिलेटर तयार करण्यासाठी तयार आहेत. दरम्यान, औषध कंपन्यांनीही सरकारला आश्वासन दिले आहे की या संकटाच्या वेळी ते औषधांची कमतरता येऊ देणार नाहीत.