National Education Day 2021 : ११ नोव्हेंबरला राष्ट्रीय शिक्षण दिवस का साजरा करतात? जाणून घ्या

१९४७ मध्ये भारताला स्वातंत्र्य मिळाल्यानंतर पं. जवाहरलाल नेहरूंनी मौलानांकडे शिक्षण मंत्रालयाचे काम सोपवले आणि ते स्वतंत्र भारताचे पहिले शिक्षणमंत्री झाले. त्यांनी त्या काळी अत्यंत बिकट परिस्थितीतही भारतात शिक्षणाचा प्रसार व प्रचार उत्तम प्रकारे राबवला. मौलाना आझाद यांना युरोपच्या तत्कालीन समस्यांचे चांगले ज्ञान होते. जर्मन आणि इटलीच्या सत्ताधार्‍यांची दडपशाही संपूर्ण जगासाठी मोठा धोका ठरणार आहे, असे ते सांगत. हिटलरच्या काळात अल्पसंख्याक आणि बुद्धिजीवींची सर्रास कत्तल होईल हे मौलानांनी सांगितले होते आणि तसेच घडले हे जगाने पाहिले. मौलाना आझाद यांना युरोपियन साहित्याचेही चांगले ज्ञान होते. महाकवी बायरन आणि फ्रान्सच्या कादंबरीकारांची त्यांना चांगली माहिती होती. २२ फेब्रुवारी १९५७ रोजी मौलाना अबुल कलाम आझाद यांचे निधन झाले.

मग ५ सप्टेंबरला शिक्षक दिन का साजरा करतात ?

शिक्षक नेहमीच मार्गदर्शन करतात, प्रेरणा देतात आणि समाजातील एक चांगला नागरिक बनवतात. शिक्षक हा आपल्या जीवनाचा पाया आहे. असे म्हणतात की कोणत्याही मुलासाठी त्याचे पालक प्रथम स्थानावर असतात आणि नंतर शिक्षक दुसऱ्या स्थानावर असतात. त्यामुळे शिक्षकांविषयी आदरभावना व्यक्त करण्यासाठी डॉ.सर्वपल्ली राधाकृष्णन यांच्या जयंतीनिमित्त संपूर्ण देशात शिक्षक दिन साजरा केला जातो.

हे ही वाचा – Chennai Rain : पावसाचा कहर ! चेन्नईला हवामान विभागाकडून Red Alert