केंद्रीय अर्थमंत्री निर्मला सीतारमण अमेरिका दौऱ्यावर आहेत. यादरम्यान एका कार्यक्रमात संबोधित करताना त्यांना भारतातील मुस्लिमांच्या स्थितीबद्दल विचारण्यात आले, यावर उत्तर देताना सीतारमण यांनी एक मोठं वक्तव्य केलंय. “भारतातील मुस्लिमांची स्थिती पाकिस्तानमधील मुस्लिमांपेक्षा चांगली आहे. जर भारतातील मुस्लिमांची स्थिती चांगली नसती तर त्यांची लोकसंख्या सातत्याने वाढली नसती.”, असं यावेळी सीतारमण म्हणाल्या.
भारतातील मुस्लिमांवरील हिंसाचार आणि नकारात्मक पाश्चात्य धारणांयाविषयी सीतारामण यांनी प्रश्न केले होते. यावर उत्तर देताना त्या म्हणाल्या की, “भारतात मुस्लिमांची जगातील दुसऱ्या क्रमांकाची लोकसंख्या आहे आणि ही लोकसंख्या सातत्याने वाढत आहे. जर भारतातील मुस्लिमांचं जीवन कठीण असतं किंवा राज्याच्या मदतीने कठीण केलं जात असतं, तर अनेक अहवालांमध्ये दावा केल्याप्रमाणे भारतातील मुस्लिम लोकसंख्या १९४७ च्या तुलनेत वाढली असती का?”
भारताबद्दलच्या नकारात्मक पाश्चात्य धारणांबाबत सीतारामण म्हणाल्या की, “पाकिस्तानची स्थापना फाळणीच्या वेळी झाली होती. पाकिस्तान वेगळे राष्ट्र झाले. त्यावेळी पाकिस्तानने अल्पसंख्याकांना संपूर्ण सुरक्षा देण्याचे आश्वासन दिले होते. पण तिथे काय चाललंय? पाकिस्तानातील प्रत्येक अल्पसंख्याक समुदायाची लोकसंख्या कमी होत आहे. मुस्लिमांचे काही समुदायही नाहीसे होत आहेत तर भारतात मुस्लिमांची प्रगती होत असल्याचे तुम्हाला दिसेल. ते व्यवसाय करत आहेत, त्यांच्या मुलांना चांगले शिक्षण मिळत आहे, त्यांना सरकारची फेलोशिप मिळत आहे.”, असं देखील यावेळी सीतारमण म्हणाल्या.
पीटरसन इन्स्टिट्यूट फॉर इंटरनॅशनल इकॉनॉमिक्स (PIIE) च्या एका कार्यक्रमात बोलताना सीतारामन यांनी हे विधान केले. भारताबाबत काही विदेशी नकारात्मक अहवालांवर निशाणा साधत निर्मला सीतारामन म्हणाल्या की, “जे लोक भारतात आलेच नाहीत त्यांच्या अहवालाच्या आधारे भारताविरोधात एक समज निर्माण करण्यात आली. ज्यांनी भारताचे ग्राउंड रिअॅलिटी कधीच पाहिले नाही. त्यांनी निर्माण केलेली धारणा ऐकण्यापेक्षा भारतात या आणि इथे काय चालले आहे ते पहा.”
एआयएमआयएमचे प्रमुख असदुद्दीन ओवैसी यांनी निर्मला सीतारामन यांच्या विधानावर प्रतिक्रिया दिलीय. “अर्थमंत्र्यांसाठी बेंचमार्क पाकिस्तान आहे. अर्थमंत्र्यांच्या मते संघ परिवाराची घटनाविरोधी विचारसरणी असूनही भारतातील मुस्लिमांची प्रगती झाली आहे. मुस्लिम किती दिवस पाकिस्तानशी जोडले जाणार? आम्ही पाकिस्तानचे ओलिस किंवा मस्केट नाही. आम्ही नागरिक आहोत. आम्हाला सन्मान आणि न्याय मिळण्याचा अधिकारही आहे. जेव्हा हिंदू वर्ग सन्मानाने जगण्याची मागणी करतो तेव्हा तुम्ही त्यांना गप्प बसायला सांगाल का? लोकसभेत भाजपचा एकही मुस्लिम खासदार नाही. ते काय वाईट करेल. पण भाजप त्याकडे आदराने पाहतो.”, असं देखील यावेळी ओवैसी म्हणाले.
यापुढे बोलताना ओवैसी म्हणाले की, “लोकसंख्या लोकसंख्याशास्त्रीय घटकांनुसार वाढते आणि कमी होते. सरकारच्या कृपेने किंवा द्वेषाने नाही. यात सरकारची भूमिका आहे असे गृहीत धरले तरी प्रत्येक जनगणनेत भारतातील मुस्लिमांची लोकसंख्या घटल्याचे दिसून आले आहे. याचा अर्थ काय? याचा अर्थ सरकारला हेवा वाटतो.”
ते म्हणाले की, “लोकसंख्या वाढणे किंवा कमी होणे हे कोणत्याही अल्पसंख्याक समाजाला योग्य वागणूक देण्यामुळे होत नाही. आज सरकार भारतातील नरसंहार धार्मिक संसदेकडे दुर्लक्ष करत आहे. सत्ताधारी भाजपचे खासदार मुस्लिमांवर आर्थिक बहिष्कार टाकण्याचे आवाहन करतात आणि लोकांना शस्त्रे ठेवण्यास सांगतात. एकट्या महाराष्ट्रात मुस्लिमांच्या विरोधात ५० मोर्चे निघाले. जेव्हा मुस्लिमांना मारले जाते तेव्हा सरकार त्याकडे दुर्लक्ष करते. उलट मुस्लिमांच्या मालमत्तेवर बुलडोझर टाकला जातो किंवा त्यांना खोट्या आरोपाखाली तुरुंगात टाकले जाते.”
