गृहमंत्री अमित शहा यांनी भारतरत्न डॉ. बाबासाहेब आंबेडकर यांच्याबद्दल केलेल्या वक्तव्यावरून संसदेतील राजकीय वातावरण तापलं आहे. यावरून काँग्रेस आक्रमक झाली आहे. यातच भाजपचे खासदार प्रताप सारंगी संसदेच्या पायऱ्यांवरून पडल्यानं डोक्याला गंभीर दुखापत झाली आहे. त्यांच्यासह खासदार मुकेश राजपूत सुद्धा जखमी झाली आहेत. विरोधी पक्षनेते, राहुल गांधी यांनी धक्का दिल्याचा आरोप प्रताप सारंगी यांनी केला आहे.
भाजप खासदार प्रताप सारंगी आणि मुकेश राजपूत यांना रूग्णालयात दाखल केले आहे. या घटनेनंतर भाजपकडून राहुल गांधींवर निशाणा साधण्यात येत आहे. भाजपकडून राहुल गांधी यांच्यावर गुन्हा दाखल करावा, अशी मागणीही होण्याची शक्यता आहे.
हेही वाचा : रेशीमबागेत जाणाऱ्या एकनाथ शिंदेंचा संजय राऊतांनी घेतला चांगलाच समाचार; म्हणाले, “हाफ चड्डी…”
प्रताप सारंगी यांनी म्हटलं, “मी संसदेच्या पायऱ्यांवर उभा होता. राहुल गांधी यांनी एका खासदाराला धक्का दिला. ते खासदार माझ्या अंगावर पडले आणि पायऱ्यांवरून खाली पडलो आणि जखमी झालो.”
#WATCH | Delhi | BJP MP Pratap Chandra Sarangi says, "Rahul Gandhi pushed an MP who fell on me after which I fell down…I was standing near the stairs when Rahul Gandhi came and pushed an MP who then fell on me…" pic.twitter.com/xhn2XOvYt4
— ANI (@ANI) December 19, 2024
भाजपचे खासदार संबित पात्रा आणि नेते, राम मनोहर लोहिया यांनी रूग्णालयात जाऊन प्रताप सारंगी यांच्या प्रकृतीची चौकशी केली. यानंतर प्रसारमाध्यमांशी संवाद साधताना पात्रा म्हणाले, “सध्या प्रताप सारंगी आणि मुकेश राजपूत ‘आयसी’यूत दाखल आहेत. दोघांचा खूप रक्तस्त्राव झाला आहे. दोघेही डॉक्टरांच्या निरीक्षणाखाली आहेत.”
हेही वाचा : राजकारण हा अमित शहांचा धंदा, ठाकरे गटाची घणाघाती टीका
