चंदीगड पीजीआयच्या डॉक्टरांनी असं काम केलं आहे, ज्याबद्दल ऐकून सर्वांनाच आश्चर्य वाटलं. डॉक्टरांनी पटियाला पोलिसांच्या एएसआय हरजितसिंग यांचा तोडलेला हात जोडला आहे. रविवारी सकाळी लॉकडाऊन तोडणाऱ्या एका निहंग शिखाने तलवारीने एएसआयचा हात कापला. ऑपरेशन थिएटरमध्ये साडेसात तास डॉक्टरांनी शस्त्रक्रिया केली. तुटलेला हात प्लास्टिक शस्त्रक्रियेद्वारे जोडला गेला आहे. पंजाबमध्ये रविवारी निहंग शिखांनी लॉकडाऊनचं उल्लंघन केलं. त्याचवेळी निहंग्यांनी तलवारीने पोलिसांवर हल्ला केला. या प्रकरणी कारवाई करत पंजाब पोलिसांनी आता नऊ लोकांना अटक केली आहे.
पीजीआयने दिलेल्या माहितीनुसार, डीजीपी दिनकर गुप्ता यांनी रविवारी सकाळी ७.४५ वाजता पीजीआय संचालक जगत राम यांना फोन केला. डॉ. जगत राम यांनी इमरजंसी टीम त्वरित सक्रिय केली आणि प्रगत ट्रॉमा सेंटरमध्ये तयारी सुरू केली. प्लास्टिक सर्जरी विभागाचे विभागप्रमुख प्राध्यापक रमेश शर्मा यांच्याकडे पुन्हा हात जोडण्यासाठी टीम तयार करण्याची जबाबदारी पीजीआयने दिली. निहंग शीखांशी झालेल्या चकमकीत ५० वर्षीय एएसआयचा हात कापला गेला. रविवारी सकाळी ही घटना घडली.
हेही वाचा – Video: ‘निहंग’ शिखांचा पोलिसांवर तलवारीने हल्ला; रागात हात छाटला
सकाळी १० वाजल्यापासून शस्त्रक्रियेला सुरुवात
या प्लास्टिक सर्जरी टीममध्ये सुनील गाबा, जेरी आर. जॉन, सूरज नायर, डॉ. मयंक, चंद्रा यांचा समावेश होता. पीजीआय प्रशासनाने पोलिस कर्मचाऱ्याचा डावा हात शरीरापासून पूर्णपणे वेगळा असल्याची माहिती दिली. सकाळी पुन्हा दहा वाजल्यापासून हात जोडण्याचे काम सुरू झालं.
साडेसात तास चालली शस्त्रक्रिया
डॉक्टरांनी रेडियल, अलर्नर आर्टरी, व्हिना कमिटमेंट आणि अतिरिक्त पृष्ठीय रक्तवाहिनी जोडली. ही माहिती डॉ.जगत राम यांनी दिली. ते म्हणाला की, नसा मनगटांना जोडल्या आहेत. हाडे देखील योग्यरित्या जोडली गेली. त्यासाठी थ्री-के वायरदेखील वापरली. या कारवाईला सुमारे साडेसात तास लागले. ही एक अतिशय आव्हानात्मक शस्त्रक्रिया होती जी यशस्वीरीत्या पार पडली. हात जोडलेले डॉक्टर म्हणाले की पोलिस कर्मचाऱ्याचा हात पूर्वीप्रमाणेच काम करेल, असं पीजीआयच्या डॉक्टरांनी सांगितलं.
